Aýylymyz kóp jyldyq tarıhy bar kóne aýyldardyń birinen sanalady. Osy qutty da kıeli mekende kóptegen ult ókilderi tatý-tátti ómir súrip keledi. Sonaý surapyl soǵys jyldarynda bir úzim nandy bólip jep, bir-birine demeý bolǵan qoıanqustyqtar búginde ózderiniń birligin kórsetip, batyr atalarynyń arýaǵyna arnap úlken ıgilikti shara ótkizdi.
Jeńistiń 70 jyldyǵyna oraı aýyl jurtshylyǵy soǵysta qurban bolǵan ata-babalarynyń arýaǵyna arnap eskertkish taqta ornatyp, jaýyngerlerdiń urpaqtary qaıyrymdylyq as berdi. Bul qýanyshty aýdanymyzdyń ákimi Q.Medeýov aýyldastarymyzben birge bólisti. Eskertkishke osy aýyldan soǵysqa attanǵan azamattardyń esimderi oıyp jazylǵan. Olardyń qóshin bastap, aýdanymyzdyń qurmetti azamaty 95 jastaǵy ardager Jumaǵalı Álibaev tur. Bul tarıhı muranyń osy aýyldyń bilim oshaǵy №1 orta mektebiniń aýlasynda ornalasýy da óskeleń urpaqqa úlken patrıottyq tálim-tárbıe berip tur. Jas urpaq olarǵa bas ıip, esimderin eshqashan umytpaıdy.
Batyrlar memorıaly, árıne, kópshiliktiń qoldaýymen ornatyldy. Bul oraıda, eń aldymen aýyldyń aqsaqaldar alqasynyń tóraǵasy Jumataı Noǵaıbaevtyń basqarýymen S.Batyrova men A.Qasenov sııaqty azamattar orasan zor úles qosty. Al óziniń on jyldyq tarıhy bar bilim mekemesi – №1 orta mektep ujymynyń eńbegi tipti erekshe boldy. Jınalǵan aýyl jurtshylyǵy osy ujymǵa jas urpaq aldynda bergen tárbıeleri úshin alǵys aıtty.
– Jastarymyz osy aýyldan shyqqan batyrlarymyzdy umytpaıdy.Olardyń erlikterin urpaqtan urpaqqa jastar ózderi aıtyp júredi.Sondyqtan da memorıal taqtany osy mektebimizdiń aýlasyna ornattyq, – deıdi mektep dırektory G.Kólbaeva.
Búgingi kúni batyrlardyń jarqyn beınesi janynda jas urpaqtar gúl shoqtaryn qoıyp, taǵzym etýde.
Bekzat SADYQOVA,
№1 orta mekteptiń
bastaýysh synyp muǵalimi.
Almaty oblysy,
Ile aýdany,
Qoıanqus aýyly.
Jeńistiń 70 jyldyǵyna oraı aýyl jurtshylyǵy soǵysta qurban bolǵan ata-babalarynyń arýaǵyna arnap eskertkish taqta ornatyp, jaýyngerlerdiń urpaqtary qaıyrymdylyq as berdi. Bul qýanyshty aýdanymyzdyń ákimi Q.Medeýov aýyldastarymyzben birge bólisti. Eskertkishke osy aýyldan soǵysqa attanǵan azamattardyń esimderi oıyp jazylǵan. Olardyń qóshin bastap, aýdanymyzdyń qurmetti azamaty 95 jastaǵy ardager Jumaǵalı Álibaev tur. Bul tarıhı muranyń osy aýyldyń bilim oshaǵy №1 orta mektebiniń aýlasynda ornalasýy da óskeleń urpaqqa úlken patrıottyq tálim-tárbıe berip tur. Jas urpaq olarǵa bas ıip, esimderin eshqashan umytpaıdy.
Batyrlar memorıaly, árıne, kópshiliktiń qoldaýymen ornatyldy. Bul oraıda, eń aldymen aýyldyń aqsaqaldar alqasynyń tóraǵasy Jumataı Noǵaıbaevtyń basqarýymen S.Batyrova men A.Qasenov sııaqty azamattar orasan zor úles qosty. Al óziniń on jyldyq tarıhy bar bilim mekemesi – №1 orta mektep ujymynyń eńbegi tipti erekshe boldy. Jınalǵan aýyl jurtshylyǵy osy ujymǵa jas urpaq aldynda bergen tárbıeleri úshin alǵys aıtty.
– Jastarymyz osy aýyldan shyqqan batyrlarymyzdy umytpaıdy.Olardyń erlikterin urpaqtan urpaqqa jastar ózderi aıtyp júredi.Sondyqtan da memorıal taqtany osy mektebimizdiń aýlasyna ornattyq, – deıdi mektep dırektory G.Kólbaeva.
Búgingi kúni batyrlardyń jarqyn beınesi janynda jas urpaqtar gúl shoqtaryn qoıyp, taǵzym etýde.
Bekzat SADYQOVA,
№1 orta mekteptiń
bastaýysh synyp muǵalimi.
Almaty oblysy,
Ile aýdany,
Qoıanqus aýyly.
