«Shubarkól kómir» AQ iske qosqan jobaǵa bý qazandyqtary men ammıak sýyn beıtaraptandyrýǵa arnalǵan qondyrǵylar da kiredi. Qurylysy 2021 jyly bastalǵan zaýyt 2023 jyly ónim shyǵara bastady. Qys jaqyndaǵan saıyn zaýyt onyń jabdyqtarynyń qaýipsizdigine, ónimdiligine jáne senimdiligine áser etetin birqatar mańyzdy qıyndyqqa tap bolatyn.
Tehnologııalyq gaz qubyrlary men shaıyrly qubyrlar qatyp qaldy. Bul qalypty jumys isteý úshin bý óndirýdi arttyrýdy qajet etti. Koks peshteri júıeniń turaqsyz qysymyna baılanysty úzilisterge ushyrady. Al konveıerdiń jıi toqtap qalýy ylǵaldylyǵy joǵary ónimniń qatyp qalýynan bolatyn. Sonymen qatar shaıyr men ammıak sýyn aıdaý kezinde de qıyndyqtar týyndady. Shaıyr qubyry qatyp, beıtaraptandyrý qondyrǵylary ammıak sýynyń ulǵaıýyna (isinýine) tótep bere almady.
Qysta zaýytty toqtatý óndiristegi ysyrapqa jáne jabdyqtyń buzylýyna ákelýi múmkin. Mundaı jaǵdaıda qurylǵylardyń qalpyna kelýi uzaqqa sozylady. Keminde alty aı. Osy syn-qaterlerge jaýap retinde basshylyq kompanııa qa-tarynda 2006 jyldan beri jumys istep turǵan zaýytty paıdalaný tájirıbesine súıendi. Birqatar sharany jedel ázirlep, júzege asyrýǵa sheshim qabyldady.
Birinshi kezekte bý óndirýdi ulǵaıtý qolǵa alyndy. Jańa qondyrǵyny jumys istep turǵan qondyrǵymen baılanystyratyn qubyr ornatyldy. Ol qosymsha bý kólemin jańa qondyrǵynyń mańyzdy komponentterine baǵyttaýǵa múmkindik berdi. Qazandyqty «tamaqtandyrýǵa» qosymsha sorǵy ornatylyp, onyń ónimdiligi artty. Ekinshiden, júıedegi qysymdy turaqtandyrý múmkindigi eskerildi. Oǵan koks peshterine aýa beretin jeldetkishterge basqarý qaqpalary ornatyldy. Ol qysymdy turaqtandyrýǵa jáne úderisti birkelki basqarýdy qamtamasyz etýge múmkindik berdi. Úshinshiden, konveıer jumysynyń senimdiligin arttyrýǵa mán berildi. Konveıerlerdiń jumysyn jaqsartý boıynsha jumys júrgizildi. Tórtinshiden, munaıdy jáne ammıakty sýdy aıdaý oılastyryldy. Munaı qubyryndaǵy máseleni sheshý úshin shaıyrly jelige sekirtkish ornatyldy. Ol osy qubyr arqyly munaıdy aıdaýǵa múmkindik berdi. Jumys istep turǵan zaýytqa artyq ammıak sýyn aıdaýǵa jańa qubyr tartyldy.
Bul rette kedergilerdi anyqtaý jáne olardy joıý sharalaryn ázirleý úshin zaýyttyń búkil tehnologııalyq tizbeginiń jumysyna taldaý jasaldy.
«Joǵaryda atalǵan sharalardy júzege asyrý maqsatynda 2024 jyldyń maýsym-shilde aılary aralyǵynda zaýyt jumysy toqtatyldy. Bul sharalardy júzege asyrý zaýyt ónimdiligin, senimdiligin jáne qaýipsizdigin aıtarlyqtaı arttyrdy. Sol mezette qabyldaý synaqtary júrgizilip, zaýyt jobalyq óndiristik kórsetkishterge qol jetkizdi», deıdi «Shubarkól kómir» AQ bas dırektory Sergeı Kım.
Tolyq jobalyq qýatynda iske qosylǵan jańa zaýytta búginde 130-ǵa jýyq jumysshy eńbek etip júr.
