Lýkashenko jalaqysyn qaıda jáne qalaı jumsaıtynyn aıtty

ASTANA. 30 qańtar. Keshe buqaralyq aqparat quraldary ókilderimen tikeleı efırde kezdesken Belarýs prezıdenti Aleksandr Lýkashenko óz jalaqysyn qalaı jáne qaıda jaratynyn da aıtyp berdi. Bul týraly RIA «Novostı» habarlady. «Jalaqymnyń jartysyn býhgalterııa birden jınaq bankisindegi kenje ulym Nıkolaıdyń atyndaǵy esep-shotqa aýdarady, onyń ómir joly keıin qalaı qalyptasatyny belgisiz ǵoı. Meniń ol kámeletke tolǵan kezde aqshasyn alýǵa bolatyn esep-shot ashyp qoıǵanym esimde», - dedi Lýkashenko. Belorýs lıderine qalǵan aqshalaryn konvertke salyp ákelip beredi eken. Bul aqshany prezıdent álginde aıtylǵan adamdarǵa taratyp beredi. Eger odan da artylyp jatsa, «qala syrtyndaǵy rezıdensııasyndaǵy kabınetinde turǵan ústeldiń joǵarǵy tartpasyna» salyp qoıady. О́ziniń aıtýynsha, aılyq jalaqysy 50 mln. belorýs rýblin (shamamen 3,2 myń dollar) quraıdy. Aleksandr Lýkashenko osy qarjynyń esebinen rezıdensııa personalyna syılyq beretinin de aıtty. Ol sonymen qatar aqshanyń bir bóligi kenje ulynyń qoldaýǵa ótinish bildirgen «jobalaryn» júzege asyrýǵa jaratylatynyn málimdedi. Atap aıtqanda, Nıkolaı balalar hospısi qurylysyna aqsha jınaǵan kórinedi. Biraq «joba onshalyqty unamdy» bolmaı shyqqan. Qazir jınalǵan aqshalar ulynyń seıfinde jatyr. Ony taǵy qandaı jobaǵa jumsaıtynyn ol áli sheshken joq. Sondyqtan bul qarjynyń bir bóligi jetim balalar men jalǵyzilikti qart kisilerge áleýmettik kómek kórsetýge berilgen. Murat Aıtqoja. Derek, foto: RIA «Novostı».