Is-sharaǵa Eńbek jáne halyqty áleýmettik qorǵaý vıse-mınıstri Asqar Bııahmetov pen QR Májilis depýtaty, Prezıdent janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa múshesi Qaraqat Ábden qatysty.
Forýmda áıelder kásipkerligin damytý, aýyldyq jerlerde «jasyl» tehnologııalardy engizý jáne qarjylyq qoldaý máseleleri sııaqty mańyzdy taqyryptar talqylandy.
- Memleket, bıznes jáne qoǵamdyq uıymdardyń yntaly dıalogynyń arqasynda búgingi kúni aýyldaǵy áıelder bastamalaryn qoldaýǵa baǵyttalǵan kóptegen perspektıvalyq jobalar iske asyrylýda. Bul áleýetti tıimdi paıdalaný mańyzdy. Osy jerde Forýmnyń oń róli erekshe. Forým barysynda qalyptasqan ıdeıalar men bastamalar qatysýshylardy jańa sheshimdermen baıytyp, aýyldaǵy birlesken jumystardyń túrli baǵyttaryn nyǵaıtýǵa septigin tıgizetinine senimdimin, dedi Qazaqstan aýyl áıelderi Forýmynyń uıymdastyrý komıtetiniń tóraǵasy, QR Parlamenti Májilisiniń IV, V, VI shaqyrylymdarynyń depýtaty Maıra Aısına.
Aýyldaǵy áıelder bastamalaryn qoldaý quraldarynyń arasynda Qazaqstanda 12 jyl boıy jumys istep kele jatqan jáne elimizdiń ártúrli óńirlerinen 110 000-nan astam áıelderge bıznes negizderin tegin oqytqan Belesteri nemese «О́sý satylary» atty áleýmettik joba erekshe atalady. Bul joba arqyly https://ccb.kz bilim alǵan 7 500-den astam shaǵyn bıznes qurylyp, elimizdiń barlyq óńirlerinde 10 000-nan astam jumys orny ashyldy. Sonymen qatar, aýyldaǵy kásipkerlik bastamalardy qoldaý maqsatynda «jasyl» tehnologııalardy qoldana otyryp, jeke qosalqy sharýashylyqtardy uıymdastyrýǵa arnalǵan oqytý kýrstary usynylýda, ol https://farmerschool.kz platformasy arqyly júzege asyrylady.
«Belesteri jobasy Qazaqstan boıynsha áıelderdiń ekonomıkalyq áleýetin damytýǵa baǵyttalǵan, al Aýyl áıelderi forýmy – máseleler men múmkindikterdi talqylaıtyn mańyzdy alań. Olardyń biri – jastardy ónimdi eńbekke tartý. Osy maqsatta bıyl alǵash ret jastar úshin jańa bilim berý baǵdarlamasy usynyldy https://ccb.kz/orken, sondaı-aq jas jeńimpazdarǵa konkýrs aıasynda bastaýysh qarjylyq qoldaý retinde 10 grant bólindi», dedi «Áleýmettik dınamıka» qoǵamdyq qorynyń dırektory Elena Ojgo.
Aıta keteıik, joba eń úzdik bıznes-ıdeıa boıynsha birdeı atalǵan baıqaýdyń jeńimpazdaryna qarjylyq qoldaý kórsetedi.
Jalpy, 2012 jyldan beri 150 áıel óz isin ashý úshin grant alǵan. Bıyl https://ccb.kz jobasynda 30 grant qarastyrylǵan, al ótken jyldary bul kórsetkish 20 bolǵan. Forýmda alǵashqy 14 grant tabystaldy, qalǵan 16 grant ekinshi kezeńniń jeńimpazdaryna, baıqaý qańtar aıynda aıaqtalǵan soń beriledi.
Forým granttyq baıqaýdyń jeńimpazdarynyń ónimderiniń kórmesimen qatar ótti. Qatysýshylardyń arasynda mal sharýashylyǵy ónimderi, ulttyq dástúrlerde jasalǵan kıimder men tekstıl keńinen usynyldy. Mysaly, tigin óndiristeri Quraq kórpe sekildi klassıkalyq buıymdardan bólek, ulttyq oıý-órnekpen bezendirilgen zyǵyr matadan jasalǵan kıimder, kóshpelilerdiń etno úlgileri boıynsha pastıla, irimshikten chızkeık torttaryn daıyndaý, balalar men eresekterge ulttyq naqashta qysh buıymdaryn jasaý boıynsha kýrstar usynyldy.
Forým men jobanyń uıymdastyrýshylary – «Jasyl ekonomıkany qoldaý jáne G-Global-dy damytý Koalısııa» zańdy tulǵalar birlestigi jáne «Áleýmettik Dınamıka» qoǵamdyq qory, Qazaqstan Respýblıkasy Prezıdentiniń janyndaǵy Ulttyq áıelder men otbasylyq-demografııalyq saıasat komıssııasynyń qoldaýymen júzege asyrylyp jatyr.
Sondaı-aq, forýmǵa jáne «О́sý satylary» jobasyna qarjylyq qoldaýdy The Coca-Cola Foundation qaıyrymdylyq qory kórsetedi.
Forým jáne joba týraly qosymsha aqparattarmen https://ccb.kz/forums siltemesi arqyly tanysa alasyz.
