Foto: freepik
Memleket basshysy jergilikti bıliktiń qys mezgiline tıisti deńgeıde daıyndalmaǵanyn atap ótti.
«Jylytý maýsymyn minsiz ótkizý – ózekti máselelerdiń biri. Bul meniń erekshe baqylaýymda. Saran qalasy aýa-raıynyń sýytýyna daıyn bolmaı shyqty. Mundaǵy úıler jaqynda ǵana jylý júıesine qosylǵan edi. Kemshilikke jol bergen jaýapty tulǵalar tıisti jazasyn aldy. Bul barlyq ákimge sabaq bolýy kerek. Jylytý maýsymyna daıyn bolmaý basshylardyń óz qyzmetine saı kelmeıtinin kórsetedi», dedi Memleket basshysy.
Esterińizge sala keteıik, qazan aıynda Saran qalasynda ortalyq jylý kózi isten shyqqan edi. Halyqtyń jappaı shaǵymdaryna baılanysty Energetıka mınıstri Almasadam Sátqalıev aımaqqa bardy. Sodan keıin jylýsyz qalǵan 80-nen astam turǵyn úıdiń barlyǵy eski modýldik qazandyqtarǵa qosyldy.
