Foto: :depositphotos.com
Sot úkimimen T., bótenniń senip tapsyrylǵan múlkin urlaǵany úshin (QK-niń 189-baby 4-bóliginiń 2-tarmaǵy), al R.T. - urlyqqa qatysqany úshin (QK-niń 28-babynyń 5-bóligi, 189-babynyń 4-bóliginiń 2) tarmaǵy) 7 jylǵa bas bostandyǵynan aıyrýǵa sottalǵan.
Taǵylǵan aıypqa sáıkes, T., JShS-niń saýda ókili bola tura, kúıeýi R.T. kómegimen taýarlardy kassaǵa qarajatsyz ótkizip, zańsyz ıemdengen, sondaı-aq taýarlardy shot-faktýrasyz áketken.
Nátıjesinde JShS jalpy somasy 72 mıllıon teńgeden astam shyǵynǵa ushyraǵan.
«Isti qaraý nátıjeleri boıynsha kassasııalyq sot alqasy kelesideı qorytyndyǵa keldi.Is materıaldaryn zerdeleý kórsetkendeı, T.-ǵa 44 mln. teńgeniń taýaryn urlaǵany úshin aıyp taǵylǵan shot-faktýralarda sońǵysynyń qoltańbasy joq. Qoıma meńgerýshisiniń, qoımashylardyń, baqylaýshylardyń aıǵaqtary jan-jaqty tekserilmegen jáne is boıynsha basqa dáleldermen salystyrylmaǵan.Sottalǵandardyń qoımalardan taýardy shot-faktýrasyz shyǵarýǵa qatysty ýájderi joqqa shyǵarylmaǵan, kerisinshe, kýáger-saýda ókilderiniń aıǵaqtarymen, sondaı-aq qoımashylardyń aıǵaqtarymen rastalǵan. Seriktestiktiń saýda ókilderiniń uıaly telefondary saraptamadan ótpegen. Taýarlarǵa ótinimder boıynsha sot-tehnıkalyq saraptama taǵaıyndalmaǵan. Is boıynsha júrgizilgen sot-býhgalterlik saraptamalardyń senimdiligi men obektıvtiligi olardyń buzýshylyqtarmen júrgizilýine kúmán keltiredi, ıaǵnı urlyqtyń naqty somasy anyqtalmaǵan. QPK-niń 24-babyna sáıkes isti durys sheshý úshin qajetti jáne jetkilikti mán-jaılardy jan-jaqty, tolyq jáne obektıvti zertteý úshin barlyq sharalar qabyldanýy tıis», delingen Joǵarǵy Sottyń habarlamasynda.
Sondyqtan sot alqasy sot aktileriniń kúshin joıyp, apellıasııalyq satydaǵy sotqa jańadan qaraýǵa jibergen.
