Dalada qalmaıdy

О́rt – til-qulaǵy joq tilsiz jaý. Tańǵy saǵat tórttiń shamasynda bastalǵan órt Kentaýdaǵy Altynsarın kóshesindegi №1 úı ıeleriniń ápter-tápterin shyǵardy. Úsh páter túgeldeı janyp ketti. Qudaı saqtap osynda turyp jatqan adamdardyń densaýlyǵyna aýyr zardap ákelgen joq. – Bizge 21 adam kelip kórindi, – deıdi Kentaý qalalyq aýrýhana bóliminiń dári­ger­­leri.  – Solardyń 17-sine dereý jedel kómek berip úılerine qaıtardyq. О́rt bol­ǵan­nan keıin zardaby bolmaı qoımaı­dy. Tórt adam aýrýhanaǵa tússe, ekeýi jan saqtaý bóliminde jatyr. Ekeýi hırýrgııa bólimin­de. Ýlanyp qalǵandar bar. Olardy saýyq­tyrýdyń bar sharasy qolǵa alynyp jatyr. Turǵyndar tótenshe jaǵdaı jónin­degi bólimniń qyzmetkerlerine alǵys aıtady. Olar der kezinde kelip, tur­ǵyn­dardy qaýipsiz aımaqqa kóshirýdi uıym­dastyrǵan. Kýálerdiń málimetinshe úshin­shi qabatta tutanǵan órt aýa tart­qysh qubyry arqyly joǵary órlegen. Tilsiz jaý bir sátte ýaıymsyz otyrǵan úsh páterdegi otbasylardy esten tandyrar kúıge jetkizdi. Oqıǵa ornyna jetken oblys ákiminiń orynbasary Sáken Qalybekov: «Múmkindiginshe órt shalǵan páter ıelerin ýaqytsha turǵyn úımen qamtamasyz etip jatyrmyz. Birazy osyndaǵy aǵaıyndarynyń úılerine baryp jaıǵasty. Qala ákimdigi ystyq tamaqpen qamtamasyz etýdiń jaǵdaıyn sheshti. Turǵyndardy dalada qaldyrmaımyz. О́rt shalǵan páterlerge jóndeý jumystaryn júrgizip jatyrmyz», dedi. Shetelderde tosyn jaǵdaıda adamdardy qutqaryp alǵany bolmasa Úkimet baspana salyp berýdi nemese kúrdeli jóndeýden ótkizýdi moınyna almaıdy. Al Qazaqstanda azamattaryn kóshede óz muńymen arpalysýyna jol bermeıdi. Oblys ákimi Asqar Myrzahmetov osy jaǵyn nyqtap jatyr. Qudaı qos kórse, páterleriniń astan-kesteńi shy­ǵyp abdyrap qalǵan otbasylar demeý­­shiler kómegimen jóndeýden ótken saıly páterlerine qaıta oralady. Baqtııar TAIJAN, «Egemen Qazaqstan». Ońtústik Qazaqstan oblysy.