Zań ǵylymdarynyń kandıdaty Sáýle Ermuhametova aldyn ala tólemdi oqys oqıǵalarǵa baılanysty, onyń ózinde arnaıy sharttardy oryndaǵan jaǵdaıda ǵana qaıtaryp alýǵa bolatynyn aıtty.
«Aldyn ala tólemdi «fors-majorǵa», ıaǵnı kútpegen jaǵdaılarǵa baılanysty qaıtaryp alýǵa bolady. Biraq bul jaǵdaı azamattyq kodekspen (AK) retteledi. Máselen, órt bolǵan jaǵdaıdy da qosýymyzǵa bolady. Al qalǵan jaǵdaılarda, mysaly, aýyryp qaldy, taǵy bir nárseler bolyp qaldy, aýylǵa ketip qaldy, keshigip qaldy degen sııaqty óz tarapynan atalǵan jaıttarda aldyn ala tólem qaıtarylmaıdy. Shart boıynsha oryndalýy kerek», dedi zańger Massaget.kz tilshisine.
Sondaı-aq maman qyzmetti nemese taýardy usynýshy keıde aldyn ala tólemniń 30%-yn ustap qalatynyn qosa ketti.
«Eger bir qyzmetke aqshasyn tólep, biraq ol qyzmet júzege asyrylmasa, tipti qyzmet kórsetilýi bastalmaǵan bolsa, shyǵynnyń 70 paıyzyn qaıtarýǵa mindetti. Máselen, siz bir tiginhanaǵa kóılek tiktirýge tapsyrys beresiz. Biraq olar shartqa sáıkes qyzmetti bastamaǵan bolsa, siz aldyn ala tólemniń 70 paıyzyn ǵana qaıtara alasyz. Qalǵan 30%-yn olar ustap qalady. Al eger tigip bastasa, onda keltirilgen shyǵyn qaıtarylmaıdy. Alaıda bul ereje ushaq bıletterine qatysty júrmeıdi», dep qosty maman.
