Ulttyq ekonomıka mınıstrliginiń málimdeýinshe, Qazaqstannyń reıtıngin qoldaıtyn negizgi faktorlardyń qatarynda – reıtıngi uqsas elder arasyndaǵy ortasha kórsetkishten edáýir asatyn jáne eldiń qarjylyq ıkemdiligin qamtamasyz etetin qýatty syrtqy býferler qalyp otyr.
«Ulttyq qordyń valıýtalyq aktıvteri men resmı altyn-valıýta rezervteri IJО́-niń 38% balamasyna jetti, buǵan ınvestısııalardyń 8,4% deńgeıindegi kiristiligi jáne altyn baǵasynyń ósýi yqpal etti», dep jazylǵan mınıstrlik málimdemesinde.
Sarapshylar munaı salasyna táýeldilikti birtindep azaıtýǵa yqpal etetin kólik jáne jańartylatyn energııa syndy sektorlardy damytý boıynsha jasalyp jatqan qadamdaryn aıtqan.
Buǵan qosa, Agenttik keńaýqymdy qaıtalama sanksııalar salýdyń salystyrmaly túrde tómen táýekelderin atap ótken.
