Foto: Ashyq derekkóz
Bas prokýratýranyń habarlaýynsha, ol azamattardy aldaý úshin WhatsApp messendjerinde arnaıy toptar ashyp, taýarlardy naryqtyq qunnan tómen baǵamen jarnamalaǵan. Osylaısha, 30 adamnyń 3 mln teńgeden astam qarjysyn ıemdenip, óz qajettilikterine jumsaǵan.
«Sotta qylmystyq jaýapkershilikten jaltarýǵa tyrysyp, jábirlenýshilermen azamattyq-quqyqtyq qatynasta bolǵanyn kórsetti. Memlekettik aıyptaýshy sottalýshynyń bastapqydan taýar jetkizýdi josparlamaǵanyn jáne ózine alǵan mindettemelerin oryndaýǵa nıeti bolmaǵanyn dáleldedi», delingen habarlamada.
Sot úkimimen kúdikti 3 jylǵa bas bostandyǵynan aıyryldy. Keltirilgen materıaldyq shyǵyndar sottalýshydan óndirilgen.
Astana qalasynyń prokýratýrasy turǵyndarǵa messendjerlerde tómen baǵamen taýarlardy tikeleı jetkizýge ýáde beretin kúmándi mámilelerden saq bolýdy eskertedi.
