Foto: Aqorda
Esterińizge sala keteıik, buǵan deıin Memleket basshysy Qasym-Jomart Toqaev Fransııa Respýblıkasyna memlekettik saparmen barǵan edi. Prezıdent osy saparyna aıryqsha mán beretinin, sondaı-aq bul Qazaqstan men Fransııa arasyndaǵy strategııalyq seriktestiktiń jańa belesi ekenin atap ótken.
Sarapshy Aıbar Oljaevtyń pikirinshe, bir aptanyń ishinde eki birdeı memlekettik saparǵa barý - el tarıhynda sırek kezdesetin qadam.
«Prezıdent on kúnniń ishinde eki memlekettik sapar jasap, bir sammıtke qatysty. Arasynda Astanada birneshe bıznes kezdesý ótkizip úlgerdi. 29 qazannan bastalǵan 10 kúndik marafon Qazaqstanǵa shamamen 3 mıllıard dollar dıvıdend alyp keletin bolady», dep jazdy ol.
Sondaı-aq sarapshy ótken aıdyń sońynda Qasym-Jomart Toqaev Prezıdent retinde Mońǵolııaǵa tuńǵysh ret memlekettik saparmen barǵanyn atap ótti.
«Qazaqstan aldaǵy ýaqytta Mońǵolııada vaksına óndirisin ashpaq. Bul - elimizdiń veterınarlyq vırýsologııa salasyndaǵy úlken jeńisi. Sonymen birge Mońǵolııanyń qazba baılyqtaryna esik ashyldy. Bizdiń kózdep otyrǵanymyz boksıt edi. Endi otandyq ınvestorlarǵa Mońǵolııada jumys isteý jeńildemek», dedi A.Oljaev.
