Foto: gov.uz
Tıisti qaýlyǵa 2024 jylǵy 19 qarashada premer-mınıstr Abdýlla Áripov qol qoıdy.
Premer-mınıstrdiń baspasóz hatshysy Bekzod Hıdoıatovtyń aıtýynsha, qazirgi úkimet prezıdent jarlyǵy negizinde jańa mınıstrler kabıneti jasaqtalǵanǵa deıin jumysyn jalǵastyrady.
«О́zbekstan Respýblıkasynyń qazirgi Mınıstrler Kabınetiniń qyzmeti О́zbekstan Respýblıkasynyń jańa Mınıstrler kabıneti qurylǵanǵa deıin jalǵasady dep belgilensin», delingen Shavkat Mırzııoev qol qoıǵan jarlyqta.
Jańa parlament qurylǵannan keıin bir aı ishinde О́zbekstan prezıdenti saıası partııalardyń barlyq fraksııasymen konsýltasııalardan keıin Premer-mınıstrdiń kandıdatýrasyn Zań shyǵarý palatasynyń qaraýyna usynady.
Kandıdat mınıstrler kabınetiniń qysqa jáne uzaq merzimdi kezeńge arnalǵan is-qımyl baǵdarlamasyn usynady. Onyń kandıdatýrasy, eger oǵan Zań shyǵarý palatasy depýtattarynyń jalpy sanynyń jartysynan astamy daýys berse, maquldandy dep esepteledi.
