Sýret: ntime.kz
2005 jyly Úkimet qaýlysymen kitaphanaǵa Abaı Qunanbaıuly esimi beriledi. Bul shyn máninde úlken tarıhı oqıǵa boldy. 2009 jyly qala ákimdiginiń qaýlysymen ortalyq kitaphana kópshilik kitaphanalar jáne balalar kitaphanalar júıesi bolyp ekige bólindi. Búgingi tańda ortalyqtandyrylǵan kitaphanalar júıesinde 23 bólimshe bar. Olardyń birnesheýi megapolıske keıin qosylǵan eldi mekenderde ornalasqan. Saıram, Shapyrashty, Bazarqaqpa, Jylanbuzǵan, Qyzyljar, Toǵyz turǵyn alaptaryndaǵy mádenıet úılerinde Abaı kitaphanasynyń bólimsheleri jumys isteıdi. Sonymen birge tórt qoǵamdyq uıymda jyljymaly kitap berý pýnkteri qyzmet kórsetedi. Atap aıtqanda, olar – «Amanat» partııasynyń qalalyq fılıaly, «Teń qoǵam» áleýmettik qoldaý ortalyǵy, «Izetti zeınetker» mekemesi men №2 Oqýshylar saraıy.
«Ortalyqtandyrylǵan kitaphanalar júıesi jylyna 103 myń adamǵa qyzmetin usynady. Kelýshi oqyrmandar sany 580 myńǵa jýyqtady. Kitap qory 554 myńnan assa, 180 myńǵa jýyǵy qazaq tilindegi kitaptar. Munda qundy ádebı jádigerler, tanymal tulǵalardyń ómiri men shyǵarmashylyǵyn qamtıtyn kitaptardyń «Altyn qory» saqtalǵan. Osy qordan máselen eń kóne basylym Alekseı Merzlıakovtyń 1830 jyly Máskeýdiń baspasynan shyqqan «Pesnı ı romansy» kitabyn, Fedor Dostoevskııdiń 1895 jyly basylǵan «Dnevnık pısatelıa» eńbegi men Nıkolaı Gogoldiń 1901 jylǵy shyǵarmalar jınaǵynyń 7-tomyn tabasyz. «Búgingi zamanda kitapsyz, sondaı-aq kitaphanasyz adamnyń oıdaǵydaı damýy múmkin emes. Búkil álemdegi kitaphanalar – bilim men mádenıettiń oshaǵy, jańa oılar men tyń pikirlerdiń mekeni» dep Prezıdent Qasym-Jomart Toqaev aıtpaqshy, búginde memleket tarapynan mádenıet salasyna óte kóp kóńil bólinip jatyr. Sonyń nátıjesinde sońǵy eki jylda ortalyqtandyrylǵan kitaphanalar júıesiniń jeti ǵımaraty zaman talabyna saı jańartyldy, materıaldyq-tehnıkalyq bazasy kúsheıtildi. Oqyrmandar sany da jyl sanap kóbeıip keledi. Kitaphana qyzmetin jaqsartý – halyqtyń rýhanııatyna jasalǵan qamqorlyq. Ol árdaıym adamǵa rýhanı azyq syılaıtyn kıeli oryn bolyp qala beredi» dedi Abaı atyndaǵy ortalyqtandyrylǵan kópshilik kitaphanalar júıesiniń dırektory Núrıla Jumanova.
Mádenıet oshaǵy turǵyndardy kitap oqýǵa qyzyqtyrý, oqyrman qataryn kóbeıtý maqsatynda túrli is-sharalar men jobalardy qolǵa alyp keledi. Máselen «Kitap oqıtyn Shymqala» býkkrossıng kóshe sóreleri jobasy. 2021 jyldan qolǵa alynǵan bastama aıasynda qoǵamdyq oryndarǵa, aýlalarǵa kitap sóresi qoıylyp, oqyrmandar sol jerden bir-birimen kitap almasyp turady. Iаǵnı oqyrman oqyǵan kitabyn sórege qoıyp, basqa oqyrmannyń oqyp bitirgen kitabyn alyp ketedi. Bul jobany «kitapqa ekinshi ómir syıla», dep te ataýǵa bolady.
ShYMKENT
