Sýret: qazdauiri.kz
Joǵarǵy sottyń baspasóz qyzmeti málimdegendeı, konferensııaǵa 5 qurlyqtyń 53 elinen 240 delegat qatysqan.
Is-shara barysynda eldiń Sot ákimshiligi men Halyqaralyq sot ákimshiligi qaýymdastyǵy (IACA) ekijaqty yntymaqtastyqtyń jańa kezeńi týraly memorandýmǵa qol qoıǵan. IASA prezıdenti Lýıs Marııa Palma men Qazaqstannyń Sot ákimshiliginiń basshysy Naıl Ahmetzakırov qol qoıǵan qujat úzdik álemdik praktıkany engizýge baǵyttalǵan seriktestikti bildiredi.
Eldiń delegasııasy konferensııada sot isin júrgizýdi sıfrlandyrý, sot tóreliginiń qoljetimdiligi men prosesterdiń ashyqtyǵyn arttyrýdaǵy tájirıbelerimen bólisken. Aıta keteıik, otandyq mamandar azamattardyń sot júıesine senimin nyǵaıtýǵa kómektesetin tehnologııalardy engizýge erekshe mán beredi.
Sondaı-aq is-shara aıasynda otandyq delegasııa Sıngapýr Joǵarǵy sotynyń tóraǵasy Sýndarash Menonmen kezdesken. Onda sıfrlandyrý jáne sot ákimshiligin jetildirý salasynda birlesken bastamalar talqylandy.
Jalpy memorandýmǵa qol qoıyp, atalǵan mańyzdy is-sharalarǵa qatysý eldiń ozyq tájirıbeni úırenýge jáne halyqaralyq yntymaqtastyqty nyǵaıtýǵa den qoıǵanyn kórsetedi.
