О́ńir halqynyń 29,1 paıyzyn jastar qurap otyr. Sıfrmen sóıletsek, Jambyl oblysy turǵyndarynyń 355 myńnan astamyn 14-35 jastaǵy býyn quraıdy eken. Keıingi jyldary óńirde jastar saıasatyna aıryqsha qoldaý kórsetilip jatyr. Sodan da bolsa kerek, jańashyl býyn qoldan kelgenshe jarqyn isterge bastamashyl bolyp júr.
«Bizdiń óńirde jastar arasyndaǵy jumyssyzdyqpen kúreske aıryqsha basymdyq berilgenin aıtpaı ketýge bolmas. Túrli deńgeıde kórsetilgen qoldaý arqyly ótken jyldyń ekinshi toqsanynda jumyssyz jastar sany 3,5 paıyzdy quraǵan bolsa, bul kórsetkish jyl ishinde 0,7 paıyzǵa azaıdy. Naqtyraq aıtar bolsaq, eki qolǵa bir kúrek tappaı júrgen zamandastarymyzdyń qarasy 9 134-ten 7 100-ge azaıǵan. Bul baǵyttaǵy jumys aldaǵy ýaqytta da jalǵasady», deıdi oblystyq Jastar resýrstyq ortalyǵynyń dırektory Aıbek Qadirálıev.
Ortalyq basshysy keltirgen derekke júginsek, ýaqytsha bos júrgen jastardyń úles salmaǵy da aıtarlyqtaı azaıypty. Naqtyraq aıtsaq, ótken jyldyń ekinshi toqsanynda NEET sanatyna engen jastardyń sany 23 351 adamdy quraǵan bolsa, osy jyldyń ekinshi toqsanynda bul kórsetkish birshama azaıǵan kórinedi.
«Memlekettik saıasattyń basym baǵyttarynyń biri – jastardy jumyspen qamtý. Osy oraıda jergilikti atqarýshy bılik tarapynan bólingen qarajat esebinen 35 jasqa deıingi 21 080 jas jumyspen qamtýdyń belsendi sharalaryna tartylǵanyn aıta ketken jón. Jalpy, jyldaǵy dástúrge sáıkes jastarǵa arnalǵan bos jumys oryndarynyń jármeńkeleri turaqty túrde uıymdastyrylady. Máselen, osy jyldyń basynan beri 102 bos jumys oryndarynyń jármeńkesi ótkizildi. Oǵan 2 108 jumys berýshi mekeme qatysyp, 5 291 bos jumys oryndary usynyldy. Is-sharaǵa 6 myńǵa jýyq jastar qatysty. Olardyń qatarynda NEET sanatyndaǵy jáne probasııa qyzmeti esebinde turǵan zamandastarymyz da bar», deıdi A.Qadirálıev.
Jaýapty ortalyq basshysy keltirgen málimetke súıensek, ótkizilgen jármeńkelerdiń qorytyndysynda 156 jas aqyly qoǵamdyq jumyspen qamtylǵan. Sondaı-aq 18 azamat áleýmettik sanattaǵy jumys oryndaryna ornalassa, 240 azamat «Jastar tájirıbesi» baǵdarlamasy arqyly jumys isteýge múmkindik alǵan. Buǵan qosa, 281 jas turaqty jumys oryndaryna ornalasypty.
«Osy jyly jastardy maýsymdyq jumyspen qamtýǵa jáne ekologııalyq mádenıetti qalyptastyrýǵa baǵyttalǵan «Jasyl el» jobasyna jergilikti qazynadan 173,5 mln teńge qarajat qarastyryldy. Bólingen qarjy esebinen 2 myń jasty maýsymdyq jumyspen qamtý múmkindigi týdy. «Jasyl el» jastar eńbek jasaqtary jobasy der kezinde óz jumysyn bastap, Taraz qalasy men aýdandarda jalpy somasy 155,2 mln teńgege 1 789 jas maýsymdyq jumystarǵa tartylǵanyn aıta ketken jón. Onyń ishinde 94-i ýaqytsha bos júrgen jastar bolsa, 23-i – probasııa tiziminde turǵan jastar», deıdi ortalyq basshysy.
О́ńirde birneshe jyl derbes basqarma retinde jumys istegen jastar saıasaty máseleleri basqarmasy osy jyly oblystyq aqparat jáne qoǵamdyq damý basqarmasynyń qanatynyń astyna ótti. Derekke sensek, búginge deıin jastar arasynda 10 500 is-shara uıymdastyrylǵan.
Keıingi ýaqytta jastar arasynda túrli shyǵarmashylyq baıqaý uıymdastyrylyp kele jatqanyn da aıta ketken jón. «Áýlıeata úzdigi», «Jas saq» sekildi iri dodalar sózimizge dálel bola alsa kerek. Buǵan qosa, birneshe jyldyń bederinde óńirde «Áýlıeata jastary» baǵdarlamasy aıasynda san salada eńbek etip kele jatqan jastar baspanaly bolyp jatyr. Baıandy bastama osy jyly da jalǵasady. Jyl aıaǵyna deıin ondaǵan jas otbasy turǵyn úı kiltine ıe bolmaq.
Jambyl oblysy
