Konsert QR Mádenıet jáne aqparat mınıstrliginiń qoldaýymen uıymdastyryldy.
«Iаshlyk» ansambli 1974 jyly qurylǵan. Ulttyq mýzykany halyq aspaptarymen úılestirip, jańa óńdeýmen usyna bilgen top birneshe márte halyqaralyq baıqaýlardyń jeńimpazy atandy.
Is-sharaǵa «Dos-Muqasan» ansambli, Qazaqstannyń halyq ártisi Roza Rymbaeva, Qazaqstannyń eńbek sińirgen qaıratkerleri Dılnaz Ahmadıeva men Álisher Kárimov, ánshi jáne kompozıtor Parvız Nazarov, sondaı-aq «Iаshlyk» ansambliniń qazirgi quramy men qazaqstandyq jáne uıǵyr estradasynyń juldyzdary qatysty.
Konsertte ansambldiń 70–80 jyldardaǵy hıtteri men tanymal ánderdiń zamanaýı óńdelgen nusqalary oryndaldy.
О́ner ujymyna Memleket basshysy Qasym-Jomart Toqaevtyń atynan yqylas gúli tabys etildi.
QR Mádenıet jáne aqparat mınıstri Aıda Balaeva «Iаshlyk» ansambliniń ujymyn mereıtoıymen quttyqtap, ansambldiń Qazaqstannyń mýzyka mádenıetindegi orny erekshe ekenin aıtty.
