Foto: Aqorda
Vladımır Pýtın Reseı men Qazaqstannyń yntymaqtastyǵy shyn máninde odaqtas sıpatqa ıe ekenin jáne barlyq baǵyttar boıynsha belsendi damýyn jalǵastyratynyn atap ótti.
«Bizdiń seriktestigimiz dostyq, tatý kórshilik jáne ózara kómek dástúrlerine súıenedi, teńdik pen bir-birimizdiń múddelerimizdi qurmetteýdiń myzǵymas qaǵıdattaryna negizdeledi. Reseı men Qazaqstan halqyn mádenı, rýhanı jáne adamgershilik qundylyqtar, birtutas memlekettegi ómirdiń ǵasyrlyq tarıhy, birlesken jetistikter men jeńister baılanystyrady», dep jazdy Vladımır Pýtın.
Sondaı-aq Reseı Prezıdenti kelesi jyly qos memleket Ekinshi dúnıejúzilik soǵystaǵy Jeńistiń 80 jyldyǵyn atap ótetinin tilge tıek etti. Osy rette Vladımır Pýtın Qasym-Jomart Toqaevty 9 mamyrda Máskeýde ótetin aýqymdy is-sharaǵa shaqyrdy.
«Reseı de, Qazaqstan da nasızmge qarsy ıyq tirese kúresken ákeleri men atalarynyń erligin eske alyp, qasıetti túrde qurmetteıdi. Al biz, árıne, bolashaq urpaq beıbitshilik pen bostandyq qandaı baǵamen qorǵalǵanyn este saqtaýy úshin barlyǵyn isteýimiz kerek. Bul, ásirese, teń quqyqty yntymaqtastyqqa negizdeletin jáne egemendi damýdyń jańa múmkindikterin ashatyn kóppolıarly álemdik tártip qalyptasyp jatqan ýaqytta erekshe mańyzǵa ıe», dep jazdy Reseı Prezıdenti.
