«Jeltoqsannyń alǵashqy kúnderinde Qarýly Kúshterdiń áskerı bólimderi men mekemeleri, basqarý organdary joǵary jaýyngerlik ázirlik deńgeıine keltiriledi. Bul shara jańa oqý kezeńi aıasynda júrgizilmek», dep málimdedi vedomstvo.
Mınıstrlik málimetinshe, alǵashqy kúnderi armııa bólimsheleri oqý dabyly boıynsha kóterilip, oqý ortalyqtary men polıgondarǵa marsh jasaıdy. Jeke quramdy aýystyrý jáne áskerı tehnıkanyń kolonnalaryn tasymaldaý arqyly keshendi taktıkalyq-saptyq jattyǵýlar men daıyndyqtar ótedi.
«Osy sharalardyń saldarynan keıbir aımaqtardaǵy jol ýchaskelerinde ýaqytsha qozǵalys shekteýleri bolýy múmkin. Azamattardy osy jaǵdaıǵa túsinistikpen qaraýǵa shaqyramyz», dep málimdedi Qorǵanys mınıstrligi.
Mınıstrlik sonymen qatar jalǵan aqparat taratýǵa jol bermeı, tek resmı aqparat kózderine sený kerek ekenin eske saldy.
«Osyǵan baılanysty azamattar men BAQ ókilderinen tek resmı aqparatqa senýdi jáne jalǵan habarlamalardy taratpaýdy suraımyz», dep atap ótti vedomstvo.
