Senat • 05 Jeltoqsan, 2024

Ulttyq qordyń taza valıýtalyq aktıvteri $58,2 mlrd-ty quraıdy - Nurlan Baıbazarov

70 ret

kórsetildi

1 mın

oqý úshin

Premer-Mınıstrdiń orynbasary – Ulttyq ekonomıka mınıstri Nurlan Baıbazarov Senatta elimizdiń 2024-2028 jyldarǵa arnalǵan áleýmettik-ekonomıkalyq damý boljamy sheńberinde 2024 jylǵa arnalǵan respýblıkalyq bıýdjet pen Ulttyq qor parametrleriniń naqtylanǵan boljamyn tanystyrdy, dep habarlaıdy Egemen.kz.

Qyrmyzy JUMAǴALIQYZY

Ulttyq qordyń taza valıýtalyq aktıvteri $58,2 mlrd-ty quraıdy - Nurlan Baıbazarov

Foto: Erlan Omar

Nurlan Baıbazarovtyń aıtýynsha, jyl basynan beri 2024 jylǵa arnalǵan makro kórsetkishter boljamyn qalyptastyrýdyń bastapqy parametrleri el ekonomıkasynyń aǵymdaǵy damýyna sáıkes keledi.

«Bıylǵy jyldyń 11 aıynyń qorytyndysy boıynsha munaıdyń ortasha baǵasy barreline 79,9 AQSh dollary deńgeıinde qalyptasty. 2024 jylǵa arnalǵan bastapqy parametrler burynǵy deńgeıde ıaǵnı, munaı baǵasy – barreline 80 AQSh dollary, ınflıasııa 6-8 paıyz deńgeıinde saqtaldy», dedi vıse-premer.

Respýblıkalyq bıýdjettiń kiristeri 14,1 trln teńge kóleminde baǵalanady, bul bekitilgen jospardan 2 trln teńgege tómen ekeni habarlandy. Bıýdjettiń teńgerimdiligin qamtamasyz etý jáne óńirlik ósý deńgeıin qoldaý úshin 2 trln teńge kóleminde nysanaly transfertti qosymsha tartý eskerilgen.

Osyny eskere otyryp, Ulttyq qordyń taza valıýtalyq aktıvteri 2024 jyly $58,2 mlrd-ty quraıdy dep boljanǵan.