2014 jyly S.Amanjolov atyndaǵy ýnıversıtette qurylǵan «Shabyt» stýdentter teatrynan búginde jeti býyn, 150-ge jýyq túlek ushypty. Osy ýaqyt ishinde teatrdyń jetken jetistigi, qoıǵan qoıylymy az emes. Olardyń qatarynda «Jeltoqsan jeli», «Meniń ómirim», «Mahabbat muńy», «Tabamyn seni», «Ar aınasy» sekildi týyndylar bar. Al «Aı men Aısha», «Qyz jıyrmaǵa tolǵanda», «Narkom Júrgenov», «Barmysyń mahabbat» jáne «Reportaj» atty qoıylymdar da teatr repertýarynda erekshe oryn alady.
– Osy ýaqytqa deıin qanshama jas talanttarmen jumys istedim? Árbireýiniń orny erekshe. Teatr quryla sala maqsatty túrde jumys istedik. Stýdenttik shaqtyń qyzyqty sátterin sahnaladyq. Sóıte júrip, kórermenge oı salýǵa tyrystyq. Búgingi qoıylym da kópshiliktiń oıynan shyǵary sózsiz, – dedi «Shabyt» teatrynyń jetekshisi Ertaı Hasenov.
Maqsatty túrde jumys istegen teatr ujymy Máskeý qalasyndaǵy «Tretıı zvonok» atty V halyqaralyq teatraldi festıvalinde II dárejeli dıplommen marapattalǵan. Respýblıkalyq baıqaýlarda da tuǵyrdan túspegen. Qaıbir jyldary Dıdahmet Áshimhannyń «Kók periniń kerdeńi» qoıylymyn qoıyp, II oryn alǵan. Sondaı-aq oblys kóleminde ótetin mádenı, ádebı keshterde «Shabyt» teatrynyń stýdentteri ortadan tabylyp jatady.
Búgingi «Aq kelin» qoıylymynda eki jas bir-birin súıip qalǵanymen, ata-anasy qarsy bolǵan. Keıinnen jastar qýlyqqa basady. Kúlpashtyń uly bireýdiń erke-sholjań qyzyn kelin qylyp túsirmek bolady. Onyń ústine ol orys tildi bolyp shyǵady. Ishimdikke de joq emes. Muny kórgen anasy at-tonyn ala qashyp, áýelgi qyzyń táýir eken dep, raıynan qaıtqan. Sóıtip eki jas qosylyp, ulan-asyr toı jasaıdy. Sahnadaǵy toıdyń atmosferasy kórermenge de sezilip turady.
Qoıylymnan soń teatr ujymyn ýnıversıtet, kitaphana, mýzeı ujymdary quttyqtap, syı-syıapattaryn jasady.
О́SKEMEN
