Foto: Vedomsto
Almaty
Almaty qalasyn sharýashylyq-aýyz sýmen jáne ónerkásiptik kásiporyndardy tehnıkalyq sýmen jabdyqtaý úshin barlanǵan. Mıneraldanýy 0,5-0,6 g/l deıin, sýdyń sapasy jaqsy jáne aýyz sý talaptaryna saı keledi. Jerasty sý qorynyń «A» sanaty boıynsha boljamdy mólsheri - táýligine 457 myń tekshe metr. Búginde sý ornynan táýligine 200 myń tekshe metr sý alynady.
Kókjıde
Aqtóbe oblysyndaǵy Embi qalasynan 95 shaqyrym jerde ornalasqan. Jerasty sýy sharýashylyq-aýyzsýmen jabdyqtaý úshin paıdalanylady. Táýligine 7,84 myń tekshe metr sý alynady. Eseptik paıdalaný merzimi - 27 jyl. Jerasty sý qorynyń «A+V+S1» sanattary boıynsha boljamdy mólsheri - táýligine 196,5 myń tekshe metr.
Talǵar
Almatydan shyǵysqa qaraı 30 shaqyrym jerde ornalasqan. Almaty qalasyn sharýashylyq-aýyz sýmen qamtamasyz etý úshin barlanǵan. Jerasty sýlarynyń qory «A+V+S1» sanattary boıynsha táýligine 989,28 myń tekshe metr mólsherinde bekitilgen.
Merken
Merki jáne Novoskresenskoe aýyldarynyń aralyǵynda Qyrǵyz jotasynyń soltústik betkeıinde ornalasqan. Aýdan ortalyǵy Merki qalasy men oǵan jaqyn ornalasqan eldi mekenderdi sharýashylyq-aýyzsýmen qamtamasyz etý jáne jerdi sýlandyrý maqsatynda barlanǵan. Jerasty sýlarynyń qory «A+V+S1» sanattary boıynsha táýligine 770 myń tekshe metr kóleminde bekitilgen.
Keńqııaq
Aqtóbe oblysyndaǵy Keńqııaq kentinen 11 shaqyrym jerde ornalasqan. Jerasty sýy aýyzsýmen jabdyqtaý jáne ónerkásiptik kásiporyndardy tehnıkalyq sýmen jabdyqtaý úshin paıdalanylady. Búgingi tańda táýligine 1,442 myń tekshe metr sý alynady. Sý qorynyń boljamdy mólsheri - «A+V» sanattary boıynsha táýligine 5,0 myń tekshe metr.
