Foto: Sputnik
Habar arnasynyń aqparatynsha, almaly shahardyń ákimdigi qurylys sapasyn baqylaý úshin jańa erejelerdi engizip, úsh mektepte bir mektep-lıseıde jáne jeti balabaqshada seısmıkalyq kúsheıtý jumystaryn aıaqtamaq.
Jyljymaıtyn múlik agenttiginiń aǵa menedjeri Denıs Vaınshtok Almatyda páter baǵasynyń tómendeýine ekonomıkalyq ári tabıǵı faktorlar áser etkenin aıtty.
«Mysaly, jyl basynda 65 sharshy metrlik 3 bólmeli páterdiń quny 70 mıllıon teńge bolatyn. Qazir 55-53 mln teńge tóńireginde. Iаǵnı baǵasy aı saıyn 2-3 mıllıonǵa tómendedi. Bir bólmeli páterler de bar. 40 mıllıon teńgeniń páterin qazir 29-30 mıllıonǵa alýǵa bolady. Qazir páter quny birtindep zeınetaqy qorynan aqsha alǵanǵa deıingi kezeńdegi baǵaǵa tómendep keledi. Jas klıentter seısmıkalyq jaǵynan tózimdi úıler qaısy dep suraıdy. Úlkenderi ózderi de biledi. Jastar 3-shi qabattan joǵary alǵysy kelmeıdi. Degenmen anaý-mynaý bola qalsa oǵan qaramaıdy. Biraq adamdar osylaı topshylaıdy. Osylaısha joǵarǵy qabattaǵy páterler azdap arzandady», deıdi jyljymaıtyn múlik agenttiginiń aǵa menedjeri Denıs Vaınshtok.
Almatydaǵy ǵımarattarǵa seısmıkalyq aýdıt júrgizilip jatyr. Pasporttaýdyń birinshi kezeńi 2017-2018 jyldary ótse, ekinshisi byltyr qazanda bastalǵan. Mańyzdy tekserýdi Qazaq qurylys jáne sáýlet ǵylymı-zertteý jáne jobalaý ınstıtýty júrgizýde. Tekserý qorytyndysyna saı jańa ereje bekitilse, sáýlet-qurylys baqylaý organdarynyń qadaǵalaý quzyreti kúsheıedi.
«Sebebi jobalaý bir bólek, qurylysty sol jobaǵa saı sapaly júrgizý bir basqa. Ásirese taý bókterinde mańyzdy. Qurylys aýmaǵyn úlkeıtý úshin kompanııalardyń jotany kesip nemese saılarǵa topyraq tógetini jasyryn emes. Nysannyń jobalaýǵa deıingi qujattaryn baqylaý kúsheıdi. Eger ǵımaratta tireý qabyrǵalary josparlansa, ony memlekettik saraptamadan ótkizýge mindetti. О́ıtkeni bul óte mańyzdy», deıdi Qalalyq josparlaý jáne ýrbanıstıka basqarmasynyń bólim basshysy Nurlan Boranbaev.
Al qazir Almatydaǵy turǵyn úı naryǵynda turaqtylyq baıqalyp otyr.
