Kórmede 200-den astam keskindeme, grafıka, músin, qolóner salasy boıynsha Qazaqstan sýretshileriniń shyǵarmashylyq týyndylary usynyldy. Almaty, Almaty oblysy, Astana, Pavlodar, Kókshetaý, Petropavl, Aqtóbe, Atyraý, Oral, Qyzylorda, Taraz, Túrkistan, Shymkent óńirinen 150-ge jýyq sýretshi qatysty.
Qazaqstan sýretshileri, mańyzy men máni joǵalmaǵan qazaq beıneleý óneri qaı zaman bolsa da ulttyq qasıetti, ondaǵy dúnıetanymdy saqtap keledi. Qazaq beıneleý óneriniń órken jaıyp, álemdik óner arenasynda ulttyq sıpatty tanytýda sýretshilerdiń sińirgen eńbegi eren. Ulttyq beıneleý óneriniń qalyptasýy men damýyna qosqan úlesin saralap, ózindik jeke tulǵalyq qoltańbasymen óner tarıhynda iz qaldyrǵan sańlaqtardyń mereıtoılaryna oraı uıymdastyrylǵan kórmeniń negizgi maqsaty tereń ári aýqymdy. Eseptik kórme «HHI ǵasyrdyń sýretshileri ulttyq óner mektebiniń damýyna qandaı úles qosýda», «Qazirgi qoǵam ómirindegi kommersııalyq quramdas bólikten arylý jáne jańa mindetterdi belgileý», «О́zekti plastıkalyq ıdeıalardy qalyptastyrý», «Adam men qoǵam arasyndaǵy ózindik damýdyń jańa tarıhı kezeńine shyǵý mańyzdylyǵy» sekildi sýret ónerindegi ózekti máselelerdi qamtıdy.
Kórme jetekshisi Gúlnar Jubanııazovanyń aıtýynsha, kórmeniń tujyrymdamasyna sáıkes, sýretshiler shyǵarmashylyǵyndaǵy týyndylarda ýaqyt pen keńistik aǵymynyń aqıqaty, ulttyq rýhtyń tynysy, eldiń maqsat-muraty baıandalady. Ekspozısııada kórermen túrli janrda ár qyrynan kórinis tapqan, kompozısııalyq jáne kolorıttik sheshimde, kreatıvti oı-tujyrymda aıqyndalǵan dınamıkalyq úndestik pen ózara tutas, tereń maǵynaly týyndylardy tamashalaı alady.
ALMATY
