Respýblıkalyq jyrshylar baıqaýyna Qazaqstannyń barlyq jyrshylyq mektepterinen (Qyzylorda, Mańǵystaý, Almaty, Ulytaý, Qaraǵandy, Aqtóbe, Atyraý, Shymkent) úmitkerler qatysady. Baıqaý eki kezeńnen turady. Baıqaýdyń ádil qazylyq alqasyna Q. R Eńbek sińirgen qaıratkeri, professor A. Almatov, Q. R Eńbek sińirgen qaıratkeri E. Jańabergen, Q. R Mádenıet qaıratkeri A. Kómekov, J. Seıtov, QR Mádenıet salasynyń úzdigi Amandyq Kómekovter shaqyrylady.
Sharanyń maqsaty - QR mádenıet salasynyń úzdikteri, Syr óńiriniń aqyn, jyrshy-jyraýlary Aıbek Jaqsanuly men Aıdos Sándibekulynyń esimderin jáne shyǵarmalaryn jas oryndaýshylar arasynda keńinen nasıhattaý.
Baba murany nasıhattaý jáne onyń damýyndaǵy sabaqtastyqty qamtamasyz etý, oryndaýshylardyń arasynan jańa esimderdi anyqtaý, olardyń kásibı sheberlikterin jetildirý. Halyq murasyn oryndaýshy daryndy jastardyń shyǵarmashylyǵyna qoldaý kórsetý, qazaqtyń dástúrli jyr ónerindegi mańdaı aldy sheber oryndaýshylardyń ónerin keıingi jas býynǵa úlgi etý, sondaı-aq, Syr óńiriniń aqyn-jyraýlarynyń shyǵarmalaryn ulyqtap, buqara halyq arasynda nasıhattaý.
