Oblystyq polısııa qyzmetkerleri QR IIM arnaıy bólimshesiniń kómegimen Jarma aýdanyndaǵy shahta aýmaǵynan quramynda altyny bar kendi urlaýǵa áreket jasaǵan topty toqtatty.
Jedel-izdestirý sharalary barysynda polısııa qyzmetkerleri qylmystyq toptyń izine túsip, tórt er adamdy ustady. Olardyń janynan metall izdegishter, respıratorlar, ken tasýǵa arnalǵan qaptar jáne shamamen quramynda 3 keli altyny bar ken tabylyp, tárkilendi.
Keltirilgen jalpy shyǵyn 3 mıllıon teńgeden asty. Asa iri kólemdegi urlyq faktisi boıynsha sotqa deıingi tergeý bastaldy. QR QPK-niń 201-babyna sáıkes ózge aqparat jarııalaýǵa jatpaıdy.
