Elbasy Túrkııa prezıdentine kóńil aıtý jedelhatyn joldady

ASTANA. 17 maýsym. Memleket basshysy Túrkııanyń toǵyzynshy Prezıdenti Súleımen Demıreldiń qaıtys bolýyna baılanysty Túrkııa Respýblıkasynyń Prezıdenti Rejep Taıyp Erdoǵanǵa kóńil aıtý jedelhatyn joldady. Bul týraly akorda.kz habarlady. Qazaqstan Prezıdentiniń kóńil aıtý jedelhatynda túrik halqynyń ǵana emes, barsha túrki áleminiń maqtanyshy bolǵan, dúnıejúzilik deńgeıde keńinen tanymal saıası jáne memleket qaıratkeriniń ómirden ozǵany týraly habardy zor kúızelispen qabyldaǵany atap ótilgen. «Men Súleımen Demıreldi adal ári senimdi dos retinde qurmet tuttym. Biz jıi kezdesip, pikir almasyp otyrdyq, kóptegen ıgi bastamalarǵa jol ashtyq. Qazaqstan halqy ony parasatty basshy, kemeńger kósem, Qazaqstan men Túrkııa arasyndaǵy baýyrlastyq qarym-qatynastarǵa zor eńbek sińirgen tarıhı qaıratkerler qataryndaǵy kórnekti tulǵa retinde árdaıym este saqtaıdy», – delingen jedelhatta. Nursultan Nazarbaev barsha qazaqstandyqtardyń, sondaı-aq, jeke óziniń atynan Rejep Erdoǵanǵa jáne búkil Túrkııa halqyna shyn nıetpen kóńil aıtty. Elaman Qońyr. Derek, sýret: akorda.kz.