Sýret: primeminister.kz
Oblys ákiminiń orynbasary Qalııar Aıtmuhambetov azyq-túlik jetkizýdegi jergilikti qamtý úlesin arttyrý úshin kooperasııa qurýdyń 5 negizgi baǵyty anyqtalǵanyn aıtty. Máselen, «Batys sút» AShО́K Báıterek, Terekti, Bórli, Shyńǵyrlaý jáne Tasqala aýdandaryndaǵy 12 aýyl sharýashylyǵy kooperatıvinen sút jınaýmen aınalysady.
«Oral qus fabrıkasy» JShS «Aýyl amanaty» qatysýshylarynan jumyrtqa alyp, olardy kompanııaǵa jetkizedi. Ol óz qus fermasynyń ónimderin de satady. Qýaty jylyna 900 myń jumyrtqa bolatyn qus fermasy bar negizgi joba retinde Báıterek aýdanynan «Amanat-22» kooperatıvi de jumys isteıdi.
«Batys Nyq» JShS oblystyń ońtústik aýdandarynda (Aqjaıyq, Jańaqala, Jánibek, Qaztalov jáne Bókeı ordasy) baǵdarlamaǵa qatysýshylardan iri qara maldy jınap, ony arnaıy alańdarda bordaqylaýǵa, et óńdeý sehynda qaıta óńdeýge jáne «Qarashyǵanaq Opereıtıng B.V.» ónimderin jetkizýge nıetti. «Rýbejınskıı» AShО́K baǵdarlamaǵa qatysýshylardan kókónister jınaıdy. «Shalqar qus» AShО́K óz ónimderin óndirýmen jáne óńdeýmen aınalysady, ony kompanııaǵa jetkizedi.
«Qarashyǵanaq Opereıtıng B.V.» kompanııasynyń merdigerlik uıymdarynda 10 myńnan astam adam jumys isteıdi. Olardy tamaqtandyrýdy uıymdastyrý úshin 10 mln teńgege 2 tonna maı, 34 mln teńgege 679,3 myń jumyrtqa jáne 264 mln teńgege 131,8 tonna et satylǵan. Aldaǵy ýaqytta negizgi kásiporyndar kompanııanyń suranystaryna sáıkes ónimge qajettilikti tolyǵymen qanaǵattandyrýdy josparlap otyr.
Vıse-premer Batys Qazaqstan oblysynda jergilikti qamtý úlesin arttyrý maqsatynda atqarylyp jatqan jumystarǵa oń baǵasyn berip, ózge óńirlerge de iri kompanııalarmen baılanys ornatý baǵytynda tájirıbe almasýǵa tapsyrma berdi.
