Foto: primeminister.kz
Prezıdent «Ádiletti Qazaqstan: zań men tártip, ekonomıkalyq ósim, qoǵamdyq optımızm» atty halyqqa Joldaýynda elimizdiń ónerkásiptik áleýetin ashýǵa júıeli kúsh salý qajettigin basa aıtyp, tereń óńdeý tásilin meńgerýge basymdyq berilgen 17 iri jobanyń tizimin atap ótken bolatyn.
Bul jobalar ekonomıkany ártaraptandyrý jáne óńdeý ónerkásibiniń básekege qabilettiligin yntalandyrý baǵdarlamasy sheńberinde iriktelgen. Olar metallýrgııa, hımııa, munaı-hımııa, avtokólik, týrızm, aýyl sharýashylyǵy jáne tamaq ónerkásibi sııaqty negizgi salalardy qamtymaq.
Úkimettiń habarlaýynsha, jobalar tizimi negizgi myna krıterııler boıynsha tańdalǵan:
- ónimdi qaıta bólýdiń ortasha jáne joǵary deńgeıi;
- eksportqa jáne ımportty almastyrýǵa baǵdarlaný;
- óndiriletin ónimge naryqtyq suranys;
- el nemese aımaq ekonomıkasy úshin strategııalyq mańyzdylyǵy – mýltıplıkatıvti áser.
Bul jobalarǵa shamamen 15 trln teńge ınvestısııa tartylyp, 25 myńnan astam jumys orny ashylady. Ekolonmıkalyq jobalar sátti júzege assa, eksport kólemi 6 trln teńgege arttyryp, ımportqa táýeldilikti 1,5 trln teńgege deıin tómendeý josparlanyp otyr.
