Qazaqstannyń Qorǵanys mınıstrligi úzdik blogerlerdi marapattaıdy

ASTANA. 17 maýsym. Qazaqstan Respýblıkasy Qorǵanys mınıstrliginiń uıymdastyrýymen ǵalamtordaǵy áskerı taqyrypqa arnalǵan blogerler arasynda úzdik post baıqaýyn jarııalady. Shyǵarmashylyq baıqaý Qazaqstan Respýblıkasy Qarýly Kúshteriniń pozıtıvti ımıdjin nyǵaıtýǵa úles qosqan jýrnalısterdi, áskerı sarapshylardy, medıa-kásip, qoǵam ókilderin, jelilik jýrnalıster men blogerlerdi kótermeleýge baǵyttalady. Bul týraly Qorǵanys mınıstrliginiń baspasóz qyzmeti habarlady. Búgingi kúni aqparat aǵyny dáýirinde áleýmettik jelide jazý jazatyn blogerdiń róli aıryqsha. Blogerlerdiń qozǵalysy nemese «azamattyq jýrnalıstıka» jáne ol kóteretin taqyryptar tıisti laýazymdy tulǵalar tarapynan nazarǵa alynady jáne kóptegen jaǵdaılarda ártúrli problemalardy sheshýde oń nátıjelerge qol jetkizedi. Qarýly Kúshterdegi oń ózgerister, áskerı qyzmet pen áskerı salt-dástúrlerdi, áskerı qyzmetshilerdiń er júrektigi men batyldyǵynyń zamanaýı úlgileri týraly qoǵamdy aqparattandyryp, el arasynda áskerı qyzmet pen áskerı dástúrdi nasıhattap júrgen blogerler armııalyq qyzmettiń abyroıyn arttyryp júr. Baıqaýǵa tanymal Ǵalamtor-tuǵyrnamalarda jalpyǵa qoljetimdi blogtardy júrgizetin elimizdiń azamattary, táýelsiz jýrnalıster, blogerler qatysa alady. Úmitkerler 2015 jylǵy qańtardyń 1-i men qyrkúıektiń 20-y aralyǵynda áleýmettik jeliler men blogtarda jarııalanǵan Qarýly Kúshterdiń qyzmetine arnalǵan ınternet-jarııalanymdardy (maqalalar, esse, suhbat, sýrettemeler jáne t.b.) usynýy qajet. Jeńimpazdar «Basty kalıbr» – áskerı taqyrypty jarııalaýǵa qosqan úlesi nomınasııasy, «Qulaǵy túrik» – úzdik analıtıkalyq post nomınasııasy, «Art-obstrel» – úzdik fotoreportaj atalymy boıynsha anyqtalady. Ár atalymda bir jeńimpaz marapattalady. Baıqaý jáne ony ótkizý sharttary týraly qosymsha aqparatpen qorǵanys mınıstrliginiń mod.gov.kz resmı saıtynda «Áskerı post» bóliminde tanysýǵa bolady. Talǵat Raıymbek. Derek: Qorǵanys mınıstrliginiń baspasóz qyzmeti. Sýret: alashainasy.