«Atamura» baspa korporasııasynan jazýshy, Memlekettik syılyqtyń laýreaty Kádirbek Segizbaıulynyń eki tomdyq «Biz nemese esikten tórge deıin» atty ǵumyrnamalyq estelik-esseler jınaǵy men «Qarttarym, qaıran qarttarym» atty kitaby jaryq kórdi. «Jelkildep ósken quraqtaı», «Jetkinshek deıtin eldenbiz», «Ot jeıdeli jastyq shaq», «Endigi baǵyt – egdeler eli» atty tórt saladan turatyn estelik-esselerden quralǵan alǵashqy qos kitapqa jazýshynyń balalyq shaǵynan bastap, qalamgerler ortasyndaǵy kezeńderine deıingi ómir jolynyń eń este qalar qyzyqty tustary engen. Tórt taraýda avtordyń ózi qoıan-qoltyq aralasqan balalyq, jastyq, stýdenttik jáne qalamgerler ortasyndaǵy dostarymen ótkizgen ártúrli oqıǵalary beınelengen.
Al «Qarttarym, qaıran qarttarym» kitabynda jazýshy Shyǵystaǵy Jarsý aýylynda ótken ǵasyrdyń 50-60 jyldarynda ómir súrgen qarttardyń, qurdastardyń, birine-biri uqsamaıtyn minez-qulyqtaryn aıta otyryp, qyzyqty oqıǵalardy oqyrman nazaryna usynady.
