Sýret: chrysotile.kz
Basqosýǵa barlyq oblys ákimderiniń orynbasarlary, áleýmettik kásipkerlik korporasııalardyń ókilderi, kásipkerler qatysyp jatyr. Semınardyń ashylý saltanatynda sóz alǵan Premer-mınıstrdiń orynbasary Tamara Dúısenova eń aldymen, baǵdarlama arqyly 16 myń shaǵyn nesıe berilip, 17 myńnan asa jańa jumys orny qurylǵanyn atap ótti.
Vıse-premer baǵdarlamany jetildirý maqsatynda «Amanat» partııasymen birlese, birqatar jumys atqarylǵanyn aıtty. Ár oblystyń, aýdannyń jáne aýyldyń ereksheligi eskerile otyryp, beıimdiligi naqtylandy. Sondaı-aq ótinimder qabyldaýdyń aqparattyq júıesi iske qosyldy.
T.Dúısenova nesıe alǵan azamattardyń óndirgen ónimderin ótkizý joldaryn retteý qajettigine de basa mán berdi. Endi ákimder tek nesıeni berip qana qoımaı, ár jobany aıaǵyna nyq turǵanǵa deıin súıemeldeýi qajet ekeni aıtyldy.
Búginde bul baǵytta oń nátıje berip jatqan tájirıbeler bar. Tamara Dúısenovanyń aımaqtarǵa jasaǵan jumys saparlary aıasynda 4 oblystyń (Batys Qazaqstan, Shyǵys Qazaqstan, Qaraǵandy, Mańǵystaý) ákimdikteri óńirdegi iri kásiporyndarmen jergilikti ónim óndirýshilerdi qoldaý jónindegi memorandýmǵa qol qoıǵan. Onyń aıasynda jumystar bastalyp ketti. Mektep oqýshylaryn tamaqpen qamtý jumysy da sharýalardyń ónimderin ótkizýge múmkindik týǵyzyp otyr. Árıne, ónim sapasynyń talapqa saı kelýi mindetti.
Basty maqsat – sharýalar ónimderin turaqty ótkizý joldaryn túzý arqyly tabysyn kóbeıtýge jol ashý. Vıse-premer bul mindetti iske asyrý úshin jaýapkershilik aýyldyq okrýgterdiń, aýdandar men oblystardyń ákimderine júkteletinin atap ótti.
«Kelesi jylǵa Aýyl sharýashylyǵy mınıstrligi 50 mlrd teńge bólse, 2026 jyly da osynsha qarjy qarastyrylady. Oǵan nesıelerden qaıtarylǵan qarajat qosylady. Aımaqtarǵa bul qarjy birneshe talapqa qaraı beriledi. Usynylatyn jobalarda óndiris pen ónim ótkizýdiń naqty shemasy bolýy qajet. Nesıe berý, qaıtarý jáne ony alýshylardy esepke alatyn aqparattyq júıe ornatylýǵa tıis. Bólingen qarajattyń 20% aýyl sharýashylyǵy tehnıkasynyń lızıngine, taǵy 20% qaıta óńdeýge, 60% basqa da baǵyttarǵa qarastyrýǵa ruqsat berilmek», dedi T.Dúısenova.
