Gazet betinde jıi jaryq kóretin ulttyq qundylyqtardy ulyqtaıtyn maqalalar, halqymyzdyń salt-dástúrine qatysty materıaldar urpaqtar sabaqtastyǵyn, jastar tárbıesin árdaıym nazarda ustap keledi. Kókeıkesti máselelerdi oqı otyryp oı túıemiz. Keıingi urpaqqa sol oılardy jetkizip ózara pikirtalasqa da túsetin sátter kóp.
Aldaǵy ýaqytta da el gazeti túıtkildi problemalardyń túıinin tarqatýǵa, halyqty alańdatqan ahýaldy aldymyzǵa jaıyp salyp, el múddesinen shyǵaryna senim mol.
Mereıtoı qutty bolsyn, jaqsylyqtyń jarshysy, ótken ǵasyrdaǵy tarıhı tulǵalardyń kózindeı bolǵan biregeı basylym!
Murat ÁLIN,
Abaı oblysy ardagerleri keńesiniń tóraǵasy, «Qurmet» ordeniniń ıegeri
Tarıh kerýeniniń qaranary
«Egemen Qazaqstan» – el gazeti. Ol muny teatr salasynda da dáleldedi. Respýblıkanyń bas basylymy bıyl 105 jyldyǵyn toılap jatsa, Shymkent qalasynyń Jumat Shanın atyndaǵy akademııalyq qazaq drama teatry óziniń 95 jyldyǵyn atap ótti. Sol merekeleý barysynda bas basylym teatr tarıhyna qatysty maqala jarııalady.
Bul mádenıet ordasynyń qarashańyraǵy – teatrǵa jasaǵan jaqsylyǵy. Teatrdyń ótkeni men búgingi tynys-tirshiligi óner, mádenıet aıdarymen basylym betterinde árdaıym jaryq kórip turady.
О́z basym merzimdi basylymdardyń qoǵammen birge máńgi jasaı beretinine senemin. О́ıtkeni elektrondy nusqadaǵy aqparat joıylyp ketýi múmkin, al sarǵaıǵan gazet betindegi jazbalar ǵasyrlar boıy arhıvterde saqtala beredi. Keıingi urpaq tarıhty zertteıtin bolsa, kóp derekti osy gazetterden tabady. Máselen, teatr tarıhyna baılanysty zertteýimde ótken ǵasyrdyń jıyrmasynshy, qyrqynshy jyldary aralyǵynda shyqqan gazetterden óte kóp maǵlumat aldym. Demek gazet – tarıh kerýeniniń qaranary.
Bizdiń ujym jylda ««Egemen Qazaqstan» gazetine jazylady. Ártister úshin bul – burynnan kele jatqan jaqsy dástúr. Endeshe, barsha otandasty respýblıkanyń bas basylymy, ǵasyrdan asa ýaqyt el jańalyqtaryn halyqqa jetkizýde talmaı eńbek etip kele jatqan «Egemen Qazaqstan» gazetine jazylýǵa shaqyramyn.
Saıa QASYMBEK,
dramatýrg, J.Shanın atyndaǵy akademııalyq qazaq drama teatry ádebıet bóliminiń meńgerýshisi
Eskertkish eskerýsiz qalmady
Bizdiń aýyl shalǵaıda jatyr. Kúı alyby Táttimbettiń mazary irgemizde. Sol jerdegi babamyzǵa qoıylǵan eskertkish, ókinishke qaraı, syn kótermeıdi. Ony ne úshin aıtyp otyrmyn? «Egemen Qazaqstan» gazetin úıdegilermen úzbeı oqımyz. Gazetti paraqtap otyryp, «Tozyǵy jetken Táttimbet eskertkishi» atty maqalany keziktirip qaldym.
Biz Egindibulaqtyń en dalasynda jatqan Tátekeńniń aýylyndaǵy elmiz. Sharýamyzdy kúıttegen. Bala kezden kórip ósken dúnıemiz, gazet oqý bolǵandyqtan, basqasy basqa bas basylymnan qol úzgen emespiz. Elimizdiń tynysy bola bilgen gazetten kóp dúnıege qanyqpyz. Sodan álgi maqalany oqyp shyǵyp, qýandyq. Birneshe jyl eleýsiz, eskerýsiz qalǵan kúı alybynyń eskertkishine endi nazar aýatyn shyǵar dep úmitimiz qaıta oıandy. Sodan ýaqyt óte kele aýyl ákimine álgi maqala týraly aıtyp edim, ol qýantyp qoıdy. «Oblystyq tarıhı-mádenı murany saqtaý ortalyǵy bul sharýany bıyl atqarý kerek edi. Úlgere almaı, keler jylǵa shegerildi», dedi. Erekshe tolqydym. Tarıhyn túgendegen el gazetine aýyl bolyp rıza boldyq. Endi eskertkishtiń jańǵyrtylǵanyn asyǵa kútemiz.
Súıimbıke QABYLOVA
Qaraǵandy oblysy,
Qarqaraly aýdany,
Táttimbet aýyl
