Foto: DSM
Konkýrs medısına mamandarynyń bedelin arttyrý, olardy yntalandyrý jáne densaýlyq saqtaý salasyndaǵy úzdik praktıkalardy kórsetý maqsatynda uıymdastyrylǵan.
«Bıyl alǵash ret Memleket basshysynyń bastamasymen bizdiń úsh dárigerimizge adamdardyń ómirin saqtap qalý jáne otandyq medısınany damytý isindegi erekshe eńbegi úshin «Qazaqstannyń eńbek sińirgen dárigeri» qurmetti ataǵy berildi. Búgin biz sondaı - aq «Kásibiniń úzdigi» respýblıkalyq konkýrsynyń jeńimpazdaryn, bizdiń eń laıyqty dárigerlerimizdi, ǵalymdarymyzdy, provızorlarymyzdy, meıirgerlerimizdi, menedjerlerimizdi jáne salanyń damýyna eleýli úles qosqandardyń barlyǵyn birinshi ret atap ótemiz. Dárigerler qyzmet barysynda joǵary kásibı qasıetterdi, tektilik pen janqııarlyqty árdaıym kórsetip keledi», dedi Densaýlyq saqtaý mınıstri Aqmaral Álnazarova.
Túrli beıindegi jáne qyzmetterdegi medısına qyzmetkerleri 16 nomınasııa boıynsha marapattaldy:
«Stasıonardyń úzdik dárigeri»
«Jedel járdemniń úzdik dárigeri»
«Medısınalyq-sanıtarııalyq alǵashqy kómektiń úzdik dárigeri»
«Aýyldyń úzdik dárigeri»
«Densaýlyq saqtaý salasyndaǵy úzdik áleýmettik qyzmetker»
«Úzdik akýsher»
«Stasıonardyń úzdik meıirgeri»
«Medısınalyq-sanıtarııalyq alǵashqy kómektiń úzdik meıirgeri»
«Úzdik aýyldyq meıirger»
«Úzdik feldsher»
«Medısınalyq joǵary oqý ornynyń úzdik oqytýshysy»
«Medısınalyq kolledjdiń úzdik oqytýshysy»
«Densaýlyq saqtaý salasyndaǵy úzdik ǵalym»
«Densaýlyq saqtaý salasynyk úzdik menedjeri»
«Sanıtarııalyq-epıdemıologııalyq saraptamanyń úzdik mamany»
«Úzdik provızor»
Konkýrs jeńimpazdaryna 500 AEK mólsherinde aqshalaı syıaqy beriledi.
