«Evgenıı Kýlagınniń ógeı qyzy ony úı jumystaryna májbúrlegeni úshin bıologııalyq ákesiniń keńesimen jalǵan aıyp taǵýǵa májbúr bolǵanyn moıyndaǵan. Bastapqyda júrgizilgen saraptamalar zorlyq belgilerin rastaǵan joq. Alaıda polısııanyń talabymen qosymsha saraptamalar júrgizilip, bul joly zorlyq belgileri anyqtaldy degen qorytyndy jasalǵan», dep jazylǵan «Patrıot» Telegram-arnasynda.
Sottalǵan azamattyń jubaıy Iýlııa aıyptaýlardyń shyndyqqa janaspaıtynyn aıtty.
«Is materıaldaryna qosylǵan kıimder bizdiń qyzymyzǵa tıesili emes. Ondaı kıim bizde múlde bolmaǵan», deıdi ol.
Evgenıı Kýlagınniń advokaty Ilıa Mahlov qyzdyń alǵashqy kúni-aq aıyptaýlardan bas tartqanyn málimdedi. Sonymen qatar advokat tergeý barysynda zań buzýshylyqtar bolǵanyn aıtty.
Qaraǵandy oblysynyń qylmystyq ister jónindegi mamandandyrylǵan soty Evgenıı Kýlagındi 20 jylǵa bas bostandyǵynan aıyrdy.
