Saýda qatynastaryn nyǵaıtý, Odaqtyń tranzıttik-kóliktik áleýetin kúsheıtý, ónerkásip kooperasııasyn damytý, agroónerkásip kesheni salasyndaǵy yntymaqtastyqty arttyrý jáne ekonomıkalyq úderisterdi sıfrlandyrý máseleleri qaraldy.
Oljas Bektenov óz sózinde EAEO-nyń kólik-logıstıkalyq negizi men baılanysyn nyǵaıtýǵa ári damytýǵa erekshe nazar aýdardy.
«Mamyrdaǵy sammıtte Qazaqstan Prezıdenti Qasym-Jomart Toqaev kólik-logıstıkalyq ınfraqurylymdy jańǵyrtý jáne keńeıtý qajettigin erekshe atap ótti. «Soltústik – Ońtústik» dáliziniń ótkizý qabiletin jylyna 10 mln tonnadan 20 mln tonnaǵa deıin arttyrý josparlanyp otyr. Temirjol salasyn damytýdyń 2029 jylǵa deıingi tujyrymdamasy sheńberinde túıisý pýnktteri damıtyn jáne temirjol jelileriniń qurylysy júzege asyrylady. Osylaısha, biz tranzıttik tasymal kólemin 28 mln tonnadan 45 mln tonnaǵa deıin ulǵaıtýdy, 5 myń shaqyrymǵa jýyq jańa jáne ekinshi temirjoldar tóseýdi kózdep otyrmyz», dep atap ótti O.Bektenov.
Búginde Qytaıdan Eýropaǵa tranzıt kólemin ulǵaıtý úshin «Dostyq – Moıynty» ýchaskesinde temirjoldar salý jumystary jalǵasýda. Jobany iske asyrý ótkizý qabiletin 5 esege, al tasymaldaý jyldamdyǵyn 2 esege – táýligine 1,5 myń shaqyrymǵa deıin arttyrýǵa múmkindik beredi. Premer-mınıstr Odaqtyń ınfraqurylymdyq basym jobalaryn iske asyrý jónindegi jumysty jandandyrý qajettigin atap ótti.
Saýda qatynastaryn damytý máselesinde alǵa qoıylǵan maqsattarǵa sáıkes, EAEO-nyń ekonomıkalyq áleýetin ashý jónindegi jumysty jalǵastyrý mańyzdy. Integrasııalyq birlestik úshin baılanystyrýshy býyn sanalatyn saýda úshin qolaıly jaǵdaı jasaýdyń jáne EAEO-nyń ishki naryǵyndaǵy júıelik kedergilerdi joıýdyń mańyzdylyǵy atap ótildi.
О́nerkásip kooperasııasyn nyǵaıtý úshin birlesken jobalarǵa qarjylaı kómek kórsetý tetigi qoldanylady. Oljas Bektenov Odaqtyń basym mindeti – bıznesti qoldaý quraldary men qolda bar múmkindikteri týraly aqparattandyrý boıynsha jumysty kúsheıtý bolýy tıis ekenine toqtaldy. Búgingi tańda kooperasııa úshin perspektıvaly baǵyttar – joǵary tehnologııalyq dárilik zattar men medısınalyq maqsattaǵy buıymdar óndirý bolýy múmkin. О́nimderdiń osy túrlerin shyǵarýdy arttyrý úshinshi elderden mundaı taýarlar ımportyn azaıtýǵa yqpal etedi.
О́nimdilikti arttyrý maqsatynda AО́K-te joǵary tehnologııalardy engizý usynylyp otyr. Úkimet basshysy qazirgi tańda elimizde «sıfrly» fermalar belsendi damyp kele jatqanyn, eginshilik pen mal sharýashylyǵynda «aqyldy» júıeler qoldanylatynyn aıtty. Aýyl sharýashylyǵy salasynda tájirıbe almasýǵa jáne birlesken jobalarǵa daıyn ekeni atap ótildi. Eýrazııa damý bankiniń taldaýyna sáıkes, EAEO-ǵa qatysýshy elderdiń aýyl sharýashylyǵy áleýetin iske asyrý shamamen 600 mln adamnyń azyq-túlikke degen qajettiligin qamtamasyz etýge múmkindik beredi.
Otyrys barysynda ekonomıkalyq úderisterdi sıfrlandyrý máselesi de qaraldy. Premer-mınıstr ozyq sıfrly tehnologııalardy tabysty engizý ózara saýda kólemin arttyrýǵa, bızneske ákimshilik júktemeni azaıtýǵa yqpal etetinin basa aıtty. O.Bektenov EAEO ıntegrasııalanǵan aqparattyq júıesin iske qosý boıynsha birlesken jumystyń mańyzdylyǵyn atap ótti, bul qatysýshy elder arasynda, birinshi kezekte, sanıtarlyq, fıtosanıtarlyq, kóliktik jáne kedendik baqylaý salalarynda derekter men elektrondy qujattarmen almasýdy aıtarlyqtaı jeńildetýge múmkindik beredi.
Otyrys qorytyndysy boıynsha qatysýshylar birqatar qujatqa qol qoıyp, ıntegrasııalyq úderisterdiń tıimdiligin arttyrýǵa, birlesken jobalardy iske asyrýǵa jáne EAEO-ǵa múshe elderdiń azamattary men bıznesi úshin jańa múmkindikterdi damytýǵa baǵyttalǵan sheshimder qabyldady.
Eýrazııalyq úkimetaralyq keńestiń kezekti otyrysy 2025 jylǵy qańtarda Almaty qalasynda ótedi.
