Foto: Zakon.kz
Aıta keteıik, AJ/TQQ táýekeli 10 baldyq shkala boıynsha baǵalanady (munda 10 – eń joǵary táýekel, 0 – eń tómengi táýekel).
Eske sala keteıik, 2023 jyly Qazaqstan 4,71 ballmen 100-shi orynda bolǵan. Osylaısha, el 2012 jyldan beri jarııalanǵan reıtıng tarıhyndaǵy eń jaqsy nátıjesin jańartty. Tek sońǵy 4 jylda reıtıngte 2020 jylǵy 73 orynnan aǵymdaǵy jyly 111 orynǵa deıin úlken serpilis jasaldy.
Qazaqstan AQSh, Japonııa, Sıngapýr, Qytaı, Katar, Italııa, Vengrııa jáne Túrkııa sııaqty elderdi artta qaldyrdy. Sonymen qatar eń az táýekelge ushyraǵan 5 eldiń qataryna San-Marıno, Islandııa, Fınlıandııa, Estonııa, Andorra, Shvesııa kirdi.
2024 jyly Indeks (qoǵamdyq nusqa boıynsha) 164 eldi baǵalady jáne aqshany jylystatý men terrorızmdi qarjylandyrýdyń (AJ/TQQ) joǵary táýekelderine yqpal etetin ártúrli faktorlardy ólsheıtin 5 saladaǵy 17 kórsetkishke negizdelgen.
Sonymen qatar reıtıng ádistemesine alaıaqtyqtyń aqshany jylystatýǵa baılanysty predıkattyq qylmys retinde ósip kele jatqan táýekelderin kórsetetin ózgerister engizilgen.
Aıta keteıik, Qazaqstannyń pozısııasyn jaqsartýǵa eldiń AJ/TQQ qarsy is-qımyl júıesiniń barlyq qatysýshylarynyń tıimdi jáne úılesimdi jumysynyń arqasynda qol jetkizilgen.
QMA FATF halyqaralyq standarttaryna sáıkes kelý úshin Ulttyq «jylystatý» júıesin nyǵaıtý jumysyn jalǵastyryp jatyr.
Jalpy «Basel Anti-Money Laundering Index» ındeksi 2012 jyldan bastap shyǵarylady jáne BUU-nyń qylmystyń aldyn alý jáne qylmystyq sot tóreligi salasyndaǵy baǵdarlamasynyń qoldaýymen jumys isteıdi. Zertteý nátıjelerin halyqaralyq, memlekettik, qarjylyq jáne kommersııalyq mekemeler eldik táýekelderdi baǵalaý úshin táýelsiz salystyrmaly taldaý quraly retinde paıdalanady.
