Jańa qurylysqa jas kásipker Ǵabıt Qaınedenov 100 mln teńge qarajat jumsapty. Aptasyna 6 kún kelýshilerdi qabyldaıtyn qoǵamdyq monshada 8 adam jumyspen qamtylǵan. Munda shomylam deýshilerge barlyq jaǵdaı jasalǵan. Monshadan shyqqan soń demalyp, shaı ishetin de oryny daıar.
«Aýylymyzda kóp jyldan beri kópshilik monsha joq edi. Osydan bir jarym jyl buryn baýyrymyz ekeýmiz aqyldasyp, osy qurylysty bastaǵan edik. Elimiz úshin ulyq mereke qarsańynda isimizdi aıaqtap, halyqqa jańa qyzmet usynyp otyrmyz. Aýyldastarymyzdyń kóńilinen shyǵady dep oılaımyz», deıdi Ǵabıt Qaınedenov.
Aýyl úshin mańyzdy jańa áleýmettik nysannyń ashylý saltanatyna Aqjaıyq aýdanynyń ákimi Murat Serdalın arnaıy kelip, monshanyń jumysymen tanysty. Elge kerek kásipti ıgerip, halyqqa usynyp otyrǵan jas kásipkerge sáttilik tiledi.
Batys Qazaqstan oblysy
