«Búgin biz Oral qalasy úshin erekshe mańyzdy oqıǵa ústinde bas qosyp otyrmyz. Osyndaı tamasha mekteptiń salynýy – bilim salasyndaǵy qol jetken jetistik qana emes, Memleket basshysynyń tapsyrmalary óńirde júzege asyp jatqanyn kórsetedi. Osy mektep qabyrǵasynda bizdiń balalarymyz bilim nárimen sýsyndap, jańa adam bolyp qalyptasady. Sapaly bilim, sanaly tárbıe – el damýynyń kepili. Urpaqtyń zamanaýı bilim alýy – biz úshin basty qaǵıda. Sońǵy eki jyl ishinde ǵana bizdiń oblysta 22 mektep jańadan boı kóterdi. Keler oqý jylyna deıin biz Oral qalasyndaǵy №8 mekteptiń ǵımaratyn da jańadan salyp bitiremiz», dedi óz sózinde Narıman Tóreǵalıuly.
Oral qalasyndaǵy №31 mekteptiń sý jańa ǵımaraty tórt qabatty, 3 bloktan turady. Kirip-shyǵý esikterine týrnıket qoıylǵan. Ǵımarattaǵy 47 kameradan turatyn beınebaqylaý júıesi, dybystyq habarlaý jáne basqa da kúsheıtilgen qaýipsizdik sharalary balalar úshin jasalǵan. Oqýshylar oqý quraldaryn, aýystyratyn kıimderin qoıatyn jeke shkafpen qamtylǵan. Sondaı-aq balalardyń kitap oqıtyn, shyǵarmashylyq qabiletin ushtaıtyn, demalatyn bólmeleri – sport zaly, májilis zaly, kitaphana, ashana, medbıke bólmesi: «Tamaqtaný mádenıeti», «Úı mádenıeti», «Dızaın jáne tehnologııa» atty úsh sheberhana bólmesi, fızıka, hımııa, bıologııa, STEM sheberhanasy t.b. 36 kabıneti bar.
Jańa mektepte erekshe balalardyń kedergisiz júrip-turýy úshin pandýs, lıft, arnaıy dárethana jáne ınklıýzıvti bilim berý kabıneti jasaqtalǵan. Sondaı-aq mektep aýmaǵynda fýtbol, basketbol, voleıbol jáne t.b. sporttyq sharalarǵa arnalǵan alańdar jasalǵan.
