Foto: Aqtóbe oblysynyń ákimdigi
Almas Jaqsylyqov 1978 jyly dúnıege kelgen. 1999 jyly – Qazaq memlekettik basqarý akademııasyn «Eńbek resýrstaryn basqarý», 2019 jyly Qaınar akademııasyn «Quqyqtaný» mamandyqtary boıynsha bitirgen.
Eńbek jolyn 2000 jyly «Kómirbank» AAQ Almaty qalasyndaǵy fılıalynyń qaýipsizdik qyzmetiniń qyzmetkeri bolyp bastaǵan.
2004 – 2009 jj. Aqtóbe oblystyq kóliktik ınfraqurlymdy damytý basqarmasynyń, Temir aýdandyq qurylys bóliminiń jetekshi mamany; 2009 – 2013 jj. «Tazalyq», «Shubar-qudyq», «Shubarqudyq-jylý» kommýnaldyq memlekettik mekemeleriniń jáne «CENTRUM KAZAKHSTAN» JShS dırektory laýazymdarynda qyzmet etken.
2013 – 2018 jyldary Shubarqudyq aýyldyq okrýgi ákimi apparatynyń bas mamany, Temir aýdany «Jastarmen jumys boıynsha resýrstyq ortalyǵynyń basshysy, Temir aýdandyq turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bóliminiń basshysy; 2018 – 2023 jyldary Hromtaý qalasynyń ákimi, Aqtóbe qalasynyń «Astana» aýdany ákiminiń orynbasary bolyp jumys istedi. 2023 jyldyń qazan aıynan bastap Aqtóbe qalasynyń «Astana» aýdanynyń ákimi qyzmetin atqaryp kelgen.
