Foto: nationalbank.kz
Aıta keteıik, kolleksııalyq monetalar 2024 jylǵy 20 jeltoqsannan bastap QUB-tyń ınternet dúkeni kazcoins.nationalbank.kz arqyly satylady.
SHYMBULAQ monetasy elimizdiń tabıǵat sulýlyǵy men baılyǵyn dáripteýge arnalǵan «Qazaqstannyń injý-marjandary» serııasyn bastaıdy. Onyń aıasynda taýlar men shatqaldardy, sý aıdyndary men basqa da tabıǵı nysanalardy qosa alǵanda, ártúrli tabıǵı kórikti jerge arnalǵan monetalar shyǵarylady. SHYMBULAQ monetasynyń dızaınynda petroglıftermen jáne «Saqtar stıli» elementterimen qorshalǵan «Shymbulaq» taý shańǵy kýrorty men shańǵyshy beınelengen Qazaqstan kartasynyń stıldendirilgen kontýry berilgen. Monetanyń tómengi oń jaq buryshynda «Shymbulaq» kýrortynyń geografııalyq koordınattary belgilengen.
Monetalar túrli-tústi baspa jáne ınterferensııalyq qubylmaly qabat tehnologııasyn qoldana otyryp, 925 synamdy kúmisten daıyndalǵan. Monetanyń massasy – 31,1 gramm, kólemi – 45h30 mm, daıyndaý sapasy – «rroof», nomınaly – 1 000 teńge, daıyndaý taralymy – 1 000 (bir myń) dana.
Al, TULPAR – jańa «Kóshpelilerdiń ańyzdary men mıfteri» serııasynyń alǵashqy monetasy. Serııa Qazaqstan halqy men eldiń qonaqtaryn mádenı aǵartý maqsatynda jasalǵan. TULPAR – túrki mıfologııasyndaǵy ańyzǵa aınalǵan qanatty tulpar. Ol – teńdessiz jyldamdyq, kúsh-qýat, erkindik pen shabyt sımvoly. Ol kóptegen túrki halyqtarynyń mádenıetinde folklor men epostarda mańyzdy oryn alady.
Altyn jalatý tehnologııasyn qoldana otyryp, 925 synamdy kúmisten daıyndalǵan. Monetanyń massasy – 31,1 gramm, dıametri – 38,61 mm, daıyndaý sapasy – black-proof, nomınaly – 1 000 teńge, daıyndaý taralymy – 1 000 (bir myń) dana.
Kolleksııalyq monetalar QR-nyń búkil aýmaǵynda ózderiniń belgilengen qunyna saı tólemderdiń barlyq túri boıynsha qabyldaýǵa, sondaı-aq eldiń barlyq bankinde bank shottaryna esepke alýǵa, aýdarýǵa, usaqtaýǵa jáne aıyrbastaýǵa jatady.
