Foto: Ashyq derekkóz
Depýtattyń pikirinshe, sońǵy jyldary júk tasymaly kóleminiń ósýine qaramastan, kúzettiń tıimdiligi tómen deńgeıde qalyp otyr. Sońǵy on jylda kúzet qyzmetkerleriniń 40%-ǵa qysqarýy qalǵan qyzmetkerlerge júktemeni edáýir arttyryp jibergen. Buryn, eger kúzetshi aýysymda orta eseppen 10-15 km júrse, búginde qyzmet kórsetý shartyna qaramastan shamamen 20-30 km júrdi.
Gennadıı Shıpovskıh kólik ınfraqurylymyn qorǵaý úshin qosymsha resýrstar men áskerılendirilgen temirjol kúzetiniń mártebesin kúsheıtý qajet ekenin atap ótti.
«Temirjoldaǵy qaýipsizdikti qamtamasyz etip júrgen mekeme – QTJ ulttyq kompanııasynyń «Áskerılendirilgen temir jol kúzeti». 7 myńnan astam qyzmetkeri bar bul mekeme, kún saıyn jarylǵysh materıaldardy, otyn men hımııalyq zattardy qosa alǵanda, tranzıttik, eksporttyq, ımporttyq jáne ishki júkteri bar 45 myńǵa jýyq vagondy kúzetedi. Mysaly, Qytaı, Reseı, Qyrǵyzstan, О́zbekstan, Ázerbaıjan jáne basqa da elder bul mindetterdi memlekettik baqylaýdaǵy nemese onymen tyǵyz baılanysty mamandandyrylǵan qurylymdarǵa júkteıdi. Bizdiń elimizde Úkimet tarapynan bul sektor nazardan tys qalyp otyr, eldiń kólik-logıstıkalyq áleýetin damytý jáne nyǵaıtý boıynsha memlekettik saıasatty tolyqqandy iske asyrý úshin Áskerılendirilgen temir jol kúzetiniń tıisti mártebesi joq. Osyǵan baılanysty osy kompanııaǵa qajetti mártebe berý máselesin pysyqtaýǵa, osy qurylymdy tehnıkalyq kúsheıtý úshin jetkilikti qarjylandyrýmen qamtamasyz etý máselesin qaraýǵa shaqyramyz», dedi depýtat.
