Foto: Astana qalasy ákimdigi
Ákimniń aıtýynsha, Táýelsizdik saraıynyń aldyndaǵy «Qazaq Eli» alańynda jalpy aýdany 13 ga aýmaqta keshendi abattandyrý júrgizilgen. Júrgenov kóshesinde jasyl býlvar ashylyp, kóshe shaǵyn aýdannyń negizgi kósheleriniń birine aınalǵan. Sondaı-aq Almaty aýdanynda Aqbulaq ózeniniń jaǵalaýy abattandyrylǵan. О́tken jyly Sh.Qudaıberdiuly dańǵylynan Abylaı han dańǵylyna deıin jumys júrgizilse, bıyl Abylaı han dańǵylynan Amman kóshesine deıin jumys jalǵasqan.
«Jastar» saıabaǵy aıtarlyqtaı ózgerdi. Munda mynandaı ózgerister boldy: sorǵy joly, konkı parki, jańa oıyn alańy salyndy. Sonymen qatar, saıabaq aýmaǵynda «Sana» zamanaýı sport kesheni jumys isteıdi, onda belsendi ómir salty úshin barlyq qajetti jaǵdaı jasalǵan. Bıyl qalanyń vokzal mańy men oǵan irgeles Birjan sal jáne Gete kósheleri abattandyryldy. Vokzal mańyndaǵy kóshelerdiń jalpy uzyndyǵy 1,5 km qurady. Qalanyń tarıhı kóshelerin qaıta jańartý jobasy aıasynda jalpy abattandyrý alańy 17 myń sharshy metrden asty, - dedi Jeńis Qasymbek.
Sonymen qatar Ulytaý alleıasy, Máńgilik el dańǵyly, Táýelsizdik, Turan dańǵyldary, Myńjyldyq alleıasynyń bóligi, Kerýen jáne Han Shatyr SOO janyndaǵy gúlzarlar, Agroqalashyq eldi mekeni, Jeńis dańǵyly, Jaǵalaý shaǵyn aýdany, Ýálıhanov kóshesi abattandyrylyp, kógaldandyrylǵan.
