«AÝYL SPORT»: aýyldan úlken armanǵa jol
«AUYL SPORT» jobasy osydan úsh aı buryn 200 aýyldan 12 myńnan astam balalar men jasóspirimder qatysqan oblystyq týrnırlerden bastaý aldy. Olardyń kópshiligi úshin bul jarys sport bıigine attaǵan alǵashqy qadam boldy.
«AUYL SPORT - bul básekelestikten góri, shabyt alańy. Bul aýyl balalarynyń jańa kókjıekterin ashyp, ózine senip, úlken jetistikterge alǵashqy qadam jasaýyna múmkindik. Biz olardyń talantyna senemiz jáne olardyń armanyna jetý jolynda qoldaý kórsetýge daıynbyz», deıdi «Halyk» qorynyń Almatydaǵy fılıalynyń dırektory Ǵalymbek Jaqsylyqov.
Jeńiske alǵashqy qadam
Týrnırdiń fınalynda boks, kúres, karate, basketbol, voleıbol jáne shahmat sııaqty alty pán boıynsha jarystar ótti. Jarysqa qatysýshylardyń kóbisi mundaı úlken arenaǵa birinshi ret shyqty.
«Kóbinese aýyl balalaryna qarjylyq jaǵdaıǵa baılanysty iri týrnırlerge qatysý qıynǵa soǵady. «Halyk» qorynyń qoldaýy olarǵa ózderin kórsetýge jáne joǵary deńgeıdegi básekeniń dámin tatýǵa múmkindik berdi. Bul mańyzdy, óıtkeni bizdiń Olımpıada chempıondarynyń kóbi aýyldan shyqqan», dedi erkin kúresten Bas tóreshi bolǵan Berik Shalabaev.
Týrnır jeńimpazy Túrkistan oblysynan kelgen jas palýan Samır Rahmanalıev óz áseri týraly bylaı dedi:
«Men óz atymdy, aýylymnyń atyn asqaqtata alǵanyma sheksiz qýanyshtymyn! Bul meniń eń úlken sporttyq is-sharam, men uıymdastyrýshylarǵa osy múmkindik úshin alǵys aıtamyn – emosııalardy sózben aıtyp jetkizý múmkin emes!»
Aýyl balalarynyń bolashaǵyna ınvestısııa
2016 jyldan beri «Halyk» qaıyrymdylyq qory jalpy somasy 85 mıllıard teńgeni quraıtyn 120-dan astam áleýmettik jobany júzege asyrdy.
«Bizdiń maqsatymyz – sportty tanymal etý ǵana emes, qaı jerde turatynyna qaramastan barlyq balalarǵa teń múmkindikter jasaý. Mundaı bastamalar Qazaqstannyń bolashaǵyn quratyn jastardyń boıynda senim men minezdi qalaı arttyratynyn kórip otyrmyz», dedi Ǵalymbek Jaqsylyqov.
«AUYL SPORT» jobasy qordyń aýyldyq jerlerde buqaralyq sportty damytýǵa baǵyttalǵan negizgi bastamalarynyń birine aınaldy.Tek osy jobaǵa 500 mıllıon teńge bólindi.
«AÝYL SPORT» balalar úshin jaı ǵana jarys emes, jańa dúnıeniń esigin ashty. Kópshilik úshin bul olardyń úlken qalaǵa birinshi sapary, kásibı arenamen alǵashqy kezdesýi jáne alǵashqy úlken jeńisteri boldy. «Balam Almatydaǵy arenaǵa alǵash shyqqanda kózi nurlanyp ketti. Bul múmkindik úshin alǵys aıtamyz – bul bizdiń ómirimizdi ózgertti», dep bólisti qatysýshylardyń biriniń anasy Aıgúl Musaeva.
«AÝYL SPORT»: bolashaqqa shabyt
AUYL SPORT-2024 jobasy – jańa múmkindikter ashatyn jáne shabyttandyratyn alań. Bul balalardyń boıyndaǵy qaısarlyq pen talant kez kelgen shekarany jeńe alatynyn dáleldep úlgerdi.
«Biz bul jigitterdiń arasynda bolashaq chempıondar bar ekenine senimdimiz. «AUYL SPORT» – jaı jarys emes, ol – qoǵamymyzdyń kemel keleshekke degen seniminiń merekesi», dep qorytyndylady týrnırdi uıymdastyrýshylar.
