Birinshi oqylymda Májilis depýtattaryna densaýlyq saqtaý salasyndaǵy normalardyń artyq zańnamalyq reglamenttelýin bolǵyzbaý máseleleri boıynsha zańnamalyq ózgeristerdi talqylaý usynylady. Atap aıtqanda, «Halyq densaýlyǵy jáne densaýlyq saqtaý júıesi týraly» Kodeks deńgeıinde ýákiletti organnyń nusqaýlyqtar, algorıtmder men reglamentterdi, mamandyqtar nomenklatýrasyn, qyzmetkerler laýazymdarynyń biliktilik sıpattamalaryn, densaýlyq saqtaý salasyndaǵy kórsetkishterdi qalyptastyrý ádistemesin ázirleý jáne bekitýge qatysty ókilettikteri men basqa da birqatar norma alynyp tastalady.
Májilistiń jalpy otyrysynyń kún tártibine túrkitildes memleketterdiń yntymaqtastyq keńesin qurý týraly Nahchyvan kelisimine ózgerister engizý týraly jáne Eýrazııalyq ekonomıkalyq odaqqa múshe memleketterdiń arasynda kedendik ákelý bajdarynyń somalaryn aýdarýǵa qatysty bólikte ózgerister engizý týraly hattamalardy ratıfıkasııalaý týraly zań jobalary da engizilgen.
Sondaı-aq depýtattar ańshylyq salasy jáne janýarlar dúnıesin saqtaý jónindegi jańa zań jobalaryn jumysqa alady.
