Aıta keteıik, buǵan deıin tıisti buıryqqa Ázerbaıjan Prezıdenti Ilham Álıev qol qoıǵan edi.
Ázerbaıjandyq BAQ habarlaǵandaı, qaıǵyly oqıǵaǵa baılanysty eldegi týlar tómen túsirildi. Sonymen qatar Bakýdegi jańa jyldyq shyrshalardyń shamdary sóndirildi.
Oxu.Az portalynyń habarlaýynsha, Ázerbaıjanda aza tutýǵa baılanysty eldiń Mádenıet mınıstrligine qarasty teatr-konsert mekemelerinde 26 jeltoqsanǵa josparlanǵan barlyq mádenı is-shara keıinge shegerildi.
Esterińizge sala keteıik, 25 jeltoqsan kúni jergilikti ýaqyt boıynsha saǵat 11:30-da Bakýden (Ázerbaıjan) Groznyıǵa (Reseı) ushqan Ázerbaıjan áýe kompanııasynyń jolaýshylar ushaǵy Aqtaý qalasynan úsh shaqyrym jerde apatqa ushyrady. Jolaýshylar ushaǵy qalyń tuman saldarynan Groznyıǵa qona almaı, áýeli Mahachkalaǵa, keıin Aqtaýǵa baǵyt alǵan edi.
