Foto: TJM
Premer-mınıstrdiń orynbasary Qanat Bozymbaev Aqtaý mańyndaǵy ushaq apaty ornyndaǵy Úkimettik komıssııanyń jumysy týraly esep berdi.
Bozymbaevtyń aıtýynsha, qutqarý qyzmeti izdeý jumystaryn aıaqtaǵan. Ushaq apaty saldarynan 29 adam aýrýhanaǵa jatqyzylsa, 38 adam qaza tapqan. Pasıentter túrli jaraqattarmen aýrýhanaǵa jetkizilgen. Jaǵdaı turaqtanǵannan keıin olar profılder boıynsha aýrýhanaǵa jatqyzylyp, tolyq kólemde em alyp jatyr. Sondaı-aq sanıtarlyq avıasııa jelisi arqyly Astanadan Ulttyq shuǵyl medısına ortalyǵy men jetekshi respýblıkalyq ortalyqtardyń joǵary bilikti mamandary barǵan. El mamandarynan bólek RF TJM arnaıy keńesi men Ázerbaıjan Respýblıkasynyń sanıtarlyq avıasııa brıgadasy da kelip jetken.
Zardap shekkender men qaza tapqandardyń týystary kelgende, olarǵa oblys ákimdigi transfert, ornalastyrý jáne tamaqtaný boıynsha qajetti kómek kórsetpek. Psıhologtar toby da jumys istep jatyr.
О́z kezeginde Kólik mınıstrligi Ázerbaıjan Respýblıkasy Úkimetimen birlesip jumys isteıdi. Erteń Brazılııanyń avıasııalyq bıligi men Embraer kompanııasy keletini de aıtyldy. Túpqaraǵan aýdanynda jergilikti tehnogendik sıpattaǵy tótenshe jaǵdaı rejımi jarııalandy.
Prezıdent Qasym-Jomart Toqaevtyń tapsyrmasy boıynsha zardap shekkenderge tolyq kólemde medısınalyq kómek kórsetilip, qaza tapqandardyń týystary men jaqyndaryna qajetti qoldaý sharalary usynylyp jatyr. Qazir jedel jeli jumys istep tur, oǵan myńnan astam qońyraý túsken.
«Birinshi kezekte qaza tapqandardyń týystary men jaqyndaryna kóńil aıtamyn. Qazaqstan Úkimeti men ýákiletti organdar zardap shekkenderge jáne qaıtys bolǵandardyń týystaryna barlyq qajetti kómekti kórsetip jatyr», dedi Oljas Bektenov.
Premer-mınıstr avıasııalyq qaýipsizdikti kúsheıtý jóninde birqatar tapsyrma berdi.
