Shattyqqa toly is-sharaǵa qatysqan oqýshylar merekelik kıimi men keıipkerlik kelbeti jaǵynan birinen-biri ótedi. Ásirese olardyń arasyndaǵy soltústikqazaqstandyq 10 jastaǵy Álı Qudııarovtyń obrazy anadaıdan ózine eriksiz kóz tartady. Álı – Soltústik Qazaqstan oblysy, Aqjar aýdany Kúlkól aýylynyń Q.Hadesov atyndaǵy orta mektebiniń oqýshysy. Bul merekelik is-sharaǵa kıip kelgen «О́mir aǵashy» kostıýmin óziniń anasy arnaıy tigip bergen eken. Balaqaıdyń ústindegi «О́mir aǵashy» kostıýminiń eń aldymen kózge túsetini – alyp butaqtary. Aǵashtyń dińi retinde jalǵasqan kostıýminiń keýde tusyna jeti atasy tizilgen óz áýletiniń shejiresi jazylǵan.
Al arnaýly áleýmettik qyzmetterge muqtaj balalardy qoldaý ortalyǵynyń tárbıelenýshisi aqmolalyq Darıa Dıachıshına Prezıdentke jańajyldyq shyrshaǵa shaqyrǵany úshin alǵysyn bildirdi. Kıokýshınkaı karatemen shuǵyldanatyn onyń jetistikteri kóp.
«Búgin Jańa jyl shyrshasyna qatysý meniń ómirimdegi eń erekshe sát, umytylmas úlken oqıǵa boldy. Men kóptegen syılyq aldym, keremet shoýdyń kýási bolyp, ózge óńirlerden kelgen ózim quralyptas balalarmen tanystym. Prezıdentke jáne uıymdastyrýshylarǵa osy tańǵajaıyp merekeni syılaǵany úshin sheksiz alǵys aıtamyn», deıdi Darıa.
Merekelik is-sharada ár balaǵa Memleket basshysy Qasym-Jomart Toqaevtyń atynan quttyqtaý ashyqhattary tabys etildi.
«Aınalaıyn balaqaı! Seni Jańa jyl meıramymen quttyqtaımyn! Osy jarqyn mereke ózińdi shattyqqa bólesin! Árdaıym jańashyldyqqa, jasampazdyqqa umtyl! Bilimpaz, ozat ári zerek bolyp, jaqyndaryńdy qýanta ber! Armanyń asqaq, qııalyń ushqyr bolsyn! Saǵan zor densaýlyq, baıandy baqyt tileımin!» delingen Prezıdent quttyqtaýynda.
Al merekelik is-sharaǵa qatysqan Oqý-aǵartý mınıstri Ǵanı Beısembaev mektep oqýshylarymen birge shyrsha shamyn jaqty.
«Búgin ásem elordamyzǵa elimizdiń túkpir-túkpirinen kelgen 100-den asa bala jınaldy. Bul kúnderi sizder qalanyń kórikti jerlerin aralap, elimizdiń jetekshi oqý oryndarynda boldyńyzdar. 2024 jyl, rasynda, sizder úshin jetistikter men jaqsy jańalyqtarǵa toly jyl boldy. Sizderdiń aralaryńyzda bilimimen úzdik atanǵandar, jarystar men baıqaýlarda oza shapqandar da bar, sondaı-aq sizder bıylǵy jyly jetistiktermen birge jańa dostar taptyńyzdar. Árqaısylaryńyzdyń jetistikterińiz elimizdiń bolashaǵyna qosylǵan mańyzdy úles dep bilemin. Memleket sizderdiń baqytty balalyq shaqtaryńyz ben jarqyn bolashaqtaryńyz úshin barlyq jaǵdaıdy jasap keledi. Al sizderdiń mindetterińiz – osy múmkindikterdi paıdalanyp, jaqsy oqý jáne jan-jaqty damý, osylaısha elimizdiń adal da jaýapty azamaty bolyp ósý», dedi Ǵ.Beısembaev.
Elordanyń úzdik shyǵarmashylyq ujymdarynyń ártisteri men qoıylymdar balalarǵa merekelik atmosfera syılady. Elimizdiń tanymal ártisteri kóńildi án shyrqap, balalar shyrshany aınala bıledi. Osy respýblıkalyq sharsha toıyna deıin elimizdiń ár qıyrynan kelgen balalarǵa Astananyń kórikti jerlerine, onyń ishinde teatrǵa, kınoteatrǵa jáne murajaılarǵa ekskýrsııa uıymdastyryldy. Al eń qyzyqty sátterdiń biri – is-shara sońynda ár balaǵa Memleket basshysynyń atynan jańajyldyq syılyq tartý etildi.
