Onyń urpaqtary da ǵylym men ónerde eleýli jetistikke jetken tulǵalar. Qudaıbergen men Raýshan apaıdyń úlken qyzy – Múslıma. Odan keıingi perzentterinen Aqyrap Qudaıbergenuly – daryndy sýretshi, Eset Qudaıbergenuly (1927-2004) – lıngvıst, fılologııa ǵylymdarynyń doktory, professor. Qyzdary – Qyrmyzy jáne Qyzǵaldaq. Ǵalymnyń kenjesi Asqar matematıkalyq lıngvıstıkaǵa zor eńbek sińirgen.
Qudaıbergen Qýanuly 1899 jyly 19 jeltoqsanda Temir ýeziniń Temir-Orqash bolysyndaǵy Qosýaqtam degen jerinde dúnıege kelgen. 1962 jyly 90 jasynda dúnıe salǵan anasy Táńirbergenqyzy Bıbishynardyń aıtýynsha, Qudaıbergen jeltoqsan aıynyń ortasynda týǵan. Ákesi Qýan orta sharýaly, medresede oqyǵan, arab jáne orys tilderine jetik jan eken. Parasatty áke balalarynyń jaqsy bilim alýyna mán bergen. Qudaıbergen Orynbordaǵy «Hýsaınııa» medresesin támamdap, 1928 jyly Lenıngradtaǵy Shyǵystaný ınstıtýtynda oqıdy.
1932-1937 jyldary Qazaq KSR Oqý-aǵartý halyq komıssarıatynyń ǵylymı-ádistemelik keńesiniń tóraǵasy bolǵan.
Kezdesýde uly ǵalymnyń urpaqtary – nemeresi Ardaq Esetqyzy Jubanova, jıeni Dana Álı (Qyzǵaldaq Qudaıbergenqyzynyń qyzy), Asqar Qudaıbergenulynyń zaıyby Elmıra Jubanova Raýshan ájeleriniń estelikterimen bólisti. Muǵaljar aýdanyndaǵy Q.Jubanov atyndaǵy orta mekteptiń dırektory Nurbol Ibraev osy áýletpen aralasqan aqsaqaldardyń áńgimelerin ortaǵa saldy. Temir aýdanynyń Orqash degen jerinde Qýan qudyǵynyń orny áli kúnge deıin saqtalǵan.
Aqtóbe oblysy
