KÁSIPKERLER KONGRESI О́TTI

Keshe “Radisson SAS” qonaqúıinde “Atameken” odaǵy” ulttyq eko­nomıkalyq palatasynyń uıymdastyrýymen Qazaqstan kásipkerleriniń kongresi bolyp ótti. Onda elimizdegi bıznes qaýymdastyqtardyń Prezıdent janyndaǵy kásipkerler keńesine, Úkimet janyndaǵy kásipkerlikti qoldaý jónindegi Úılestirý keńesine ekonomıka men jeke kásipkerlikti damytý boıynsha usynystary daıyndalyp, kongreske qatysýshylar nazaryna usynyldy. Shara problemalyq seksııalar men taqyryptyq seksııalar qory­tyn­dysy boıynsha ekige bólindi. On­da memlekettik mekemeler men or­gan­darynyń, sondaı-aq qoldaý izdegen kásipkerlikter basshylarynyń basyn qosqan bul jıynda túrli taqyryptar qozǵaldy. “Bıznestiń jol kartasy – 2020” baǵdarlamasyn júzege asyrý jáne ony túzetý boıynsha usynys­tar” taqyrybynda ótken seksııada Eko­nomıkalyq damý jáne saýda vı­se-mınıstri Marat Qusaıynov kásip­kerlerdiń kókeıinde júrgen birqatar suraqtarǵa jaýap berdi. Atap aıtsaq, Karaǵandydan kelgen kásipker áıel óziniń qyzmet kórsetý salasy boı­ynsha bankterden nesıe ala almaı júrgendiginen habardar etti. Dıagnos­tıkalyq ortalyq ashýǵa talpynǵa­nyma biraz boldy, biraq qolymyzdan eshteńe kelmeı tur, deıdi ol. О́ndiris oryndaryn ashýǵa ǵana qarjy bóli­nip, qyzmet kórsetý salasyna kóńil bólinbeıdi degen ókpesin jetkizdi. О́zbekstannan kóship kelgen qanda­sy­myz kıiz úıdi shyǵarý óndirisin jolǵa qoıýǵa kepildiksiz nesıe surady. Jergilikti memlekettik organ men bankter arasynda sarsylǵan jas jigit osylaısha kongreste óz máselesin jetkizdi. Bul suraqtarǵa jaýap bergen Ekonomıkalyq damý jáne saýda vıse-mınıstri qyzmet kórsetý salasy boıynsha nesıe berilýi tıis ekendigin, sondaı-aq kepildiksiz nesıe alýda jergilikti atqarýshy organdar kómek­tesýi kerektigin alǵa tartty. “Jedeldetilgen ındýstrııa­lan­dy­rý máselesi” seksııasyna Indýstrııa jáne jańa tehnologııalar vıse-mı­nıstri Berik Qamalıev, “Kedendik odaq aıasynda otandyq kásipkerlerdiń bolashaǵy jáne salyq zańnamasy má­seleleri” boıynsha seksııa jumysyna “Atameken” odaǵy” UEP tóraǵasy­nyń birinshi orynbasary Ekaterına Nıkıtınskaıa, Qarjy mınıstrligi sa­lyq komıteti tóraǵasynyń orynba­sa­ry Arǵyn Qypshaqov, Keden komıteti tóraǵasynyń orynbasary Igor Ten qatysty. Barlyq seksııalar boıynsha tal­qylanǵan suraqtardyń qorytyndysy aıtylǵan plenarlyq otyrysta “Ata­meken” odaǵy” UEP basqarma tóra­ǵasy Azat Perýashev Úkimet janyn­da­ǵy kásipkerlikti qoldaý jónindegi Úılestirý keńesine usynystar daıyn­daıtyndyqtaryn aıtty. Venera TÚGELBAI.