Kollajdy jasaǵan – Qonysbaı ShEJIMBAI, «EQ»
Jazýshynyń 100 jyldyq mereıtoıynyń ashylý saltanaty 6 qańtarda Almaty oblysynyń ortalyǵy Qonaev qalasynda ótti. 28 sáýir men 1 mamyr aralyǵynda TÚRKSOI halyqaralyq uıymynyń uıytqy bolýymen Ankara qalasynda qalamger shyǵarmashylyǵyna qatysty konferensııa uıymdastyrylyp, onyń jeke zattary kóshpeli kórmege qoıyldy. 28 mamyr kúni TÚRKSOI halyqaralyq uıymynyń bas hatshysy Sultan Raevtyń qatysýymen túrik tilinde jaryq kórgen «О́lgender qaıtyp kelmeıdi» romanynyń tusaýy kesildi.
20-21 qyrkúıekte jazýshynyń týǵan ólkesi Narynqol aýylynda Berdibek Soqpaqbaevtyń eńseli eskertkishiniń ashylý saltanaty, ádebı jıyn, respýblıkalyq aqyndar aıtysy, gala-konsert jáne Saryjaz jazyǵynda dúbirli toı, báıge, taǵy basqa is-sharalar ótkizildi.
IýNESKO deńgeıinde toılanǵan mereıtoı aıasynda Berdibek Soqpaqbaevtyń 4 tomdyq jınaǵy, Samal Soqpaqbaevanyń «Meniń atym Qoja» shyǵarmasynyń orys tilindegi aýdarmasy, Janbolat Aýpbaevtyń «О́tirigi joq ómir» atty Berdibek Soqpaqbaevtyń ómiri men shyǵarmashylyǵyna arnalǵan kitaptary jaryq kórdi.
Sondaı-aq klassık jazýshynyń mereıtoıy Ázerbaıjan Respýblıkasynyń astanasy Baký qalasynda da toılanyp, ázerbaıjan tilinde jarııalanǵan «Meniń atym Qoja» hıkaıatynyń tusaýy kesildi.
Qazaq ádebıeti klassıginiń 100 jyldyq mereıtoıy Fransııa astanasy Parıjdegi IýNESKO-nyń shtab páterinde qorytyndylanyp, «Meniń atym Qoja» hıkaıaty fransýz tilinde jaryq kórdi.
Sondaı-aq bıyl biz «Jyl keıipkeri» dep tanyǵan qalamgerdiń qurmetine 2 mektep, 2 saıabaq, 1 kitaphana, Qonaev qalasynyń 1 kóshesine jazýshynyń esimi berilgenin súıinshilegimiz keledi.
